SHBA, bllokada e re “troket në derë”

22:45 | 11/02/201922:450

Shtetet e Bashkuara rrezikojnë të përfshihen nga një tjetër bllokadë pas asaj që zgjati 35 ditë e që i kushtoi ekonomisë amerikane 11 miliardë dollarë. Këtë herë, bisedimet mes demokratëve dhe republikanëve kanë ngecur në çështjen e emigrantëve të paregjistruar.

Bisedimet politike në Shtetet e Bashkuara lidhur me sigurinë kufitare janë bllokuar, duke bërë sa më reale gjasat për një tjetër bllokadë qeveriitare. Negociatorët shpresonin të arrinin një marrëveshje ditën e hënë, për t’i dhënë Kongresit kohë për të votuar legjislacionin deri të premten, kur marrëveshja që zhbllokoi përkohësisht ngërçin federal përfundon.

Palët mbeten të ndara sa i takon numrit të emigrantëve të paregjistruar që mund të burgosen dhe për financimin e kërkuar nga presidenti Trump për murin me Meksikën. Bllokada e kaluar, e cila zgjati 35 ditë, ishte më e gjata në historinë e Shteteve të Bashkuara. Disa qindra mijëra punonjës federalë u pezulluan, ndërsa të tjerë nga shërbimet kyçe, si ai mjekësor, kontrolli ajror dhe forcat e rendit, punuan pa pagë mujore.

E gjithë bllokada llogaritet t’i ketë kushtuar ekonomisë amerikane 11 miliardë dollarë. Ende është e paqartë se si negociatorët po përpiqen të arrijnë një marrërveshje, por mes palëve priten takime të mëtejshme. 17 ndërmjetësit, nga republikanët dhe demokratët, si nga Senati dhe nga Dhoma e Përfaqësuesve po përpiqen të gjejnë një akord mbi sigurinë kufitare, e cila më pas duhet të votohet nga Kongresi, ku demokratët kanë shumicën.

Ngërçi i fundit duket se është përqendruar tek kërkesa e demokratëve për të kufizuar numrin e emigrantëve të paregjistruar që ndodhen në Shtetet e Bashkuara, të cilët mund të arrestohen nga Agjencia për Emigracionin dhe Doganat. Me një seri postimesh në Tëitter ditën e hënë, presidenti Donald Trump deklaroi se demokratët duhet të çlirohen nga komplekset, duke e cilësuar kërkesën e tyre një “çmenduri”./abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono