Rama: Do kërkojmë mendimin e Komisionit të Venecias për draftin e PD

23:15 | 13/09/2018

Maxhoranca do të kërkojë mendimin e komisionit të Venecias lidhur me projektligjin e paraqitur nga PD për vetting në politikë. Nëse ky komision shprehet në favor të kësaj nisme, edhe socialistët do ta votojnë atë. Në studion e gazetares Eni Vasili në Top Chanel, kryeministri i Shqipërisë, njëkohësisht kryetar i maxhorancës socialiste e quajti një farsë propozimin e PD për vetingun në Politikë. Sipas Ramës, vetingu i politikanëve shihet nëse kanë duart e pastra, ndërsa përfshirja apo jo e tyre në krim është çështje e organeve të drejtësisë. Sipas tij, vetingun e politikanëve do ta bëjnë SPAK dhe BKH, siç e parashikon reforma në drejtësi, e votuar nga të dy palët.

Kryeministri tha se dëshiron të hapen librat e pasurive dhe të shpenzimeve të politikanëve, të familjarëve dhe të krushqve të tyre, nisur nga “sarajet” e tij.

Rama u shpreh për herë të parë në këtë studio edhe për idenë e korrigjimit të kufirit Kosovë-Serbi. Ai tha se nuk ka folur deri tani, pasi i takon në radhë të parë shtetit dhe autoriteteve të Kosovës të përpunojë një platformë për dialogun. Ndërsa veten e tij e sheh të fundit ndër shqiptarët për të folur për këtë çështje mjaft delikate, ku luhet fati jo vetëm i Kosovës, por i kombit shqiptar.

Rama tha se Shqipëria ka detyrimin të mbështesë fuqimisht Kosovën dhe në këtë detyrim të ndjekë dhe të presë se çfarë mendojnë dhe çfarë do të bëjnë përfaqësuesit e Kosovës. /abcnews.al



Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono