“Provokim i marrëdhënieve shqiptaro-greke?” Vasil Shahini nderohet me bust nga Bashkia e Dropullit

19:55 | 10/02/202019:550

Vendosja e bustit të Vasil Shahinit në Derviçan të Gjiroksatrës ka ngjallur debate deri në rangjet politike. Shahini njihet si ekstremist dhe një prej promotorëve të “Vorio Epirit”.

Përfaqësuesi i Bashkisë së Dropullit, Mihal Mano sqaron se vendosja e bustit është miratuar në Këshillin Bashkiak një vit më parë, por mugonin paratë. Ndaj dhe busti u vendos të dielën falë parave të dhuruara nga një e afërmja e tij.

 

“Nuk është ndonjë gjë e re, përsoni në fjalë është pushkatuar nga forcat partizane pas shkollës së Gjirokastrës “Asim Zeneli”, kufoma tij ka mbetur dy apo tre ditë atje. Disa nga fshatarët dhe kushërinjtë e morën kufomën dhe e varrosën. Presidenti i atëhershëm, Sali Berisha e dekoroi si martir të demokracisë”, u shpreh Mano.

Mano: Nuk kemi ide të sakta, se çfarë ka ndodhur këtu. Nuk mund të vendoset pika se Shahini i takon apo jo anës negative të historisë.

Vendosja e bustit është dënuar nga PDIU që në komunikatën për media thotë se Vasil Shahini njihet si organizator i masakrave në Jugun e Shqipërisë dhe ka themeluar organizatën “Fronti Çlirimtar i Vorio-Epirit”. Partia që mbron interesat e Komunitetit Çam thotë se ky veprim i Bashkive Minoritare që shkel kushtetutën kërkon ndërhyjen e qeverisë, SHISH-it dhe Prokurorisë. Vasil Shahini u vra nga partizanët më 18 nëntor të vitit 1943. Ai u akuzua si agjent grek./abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono