LSI dënon sulmet në ambasadën malazeze: Hetim të plotë dhe ndëshkim të fajtorëve

14:58 | 03/01/202014:580

Lëvizja Socialiste për Integrim dënon sulmet ndaj ambasadës malazeze në Beograd nga huliganë serbë.

Sipas LSI,  ngjarja kërkon hetim të plotë dhe ndëshkim fajtorëve pasi përfaqësitë diplomatike janë të paprekshme dhe këto vepra dëmtojnë bashkëpunimin mes shteteve që shkon kundër objektivave për integrimin në BE.

Më herët sulmet u dënuan ashpër edhe nga Partia Demokratike.

Deklarata e plotë e LSI:

Lëvizja Socialiste për Integrim dënon me forcë sulmin ndaj ambasadës së Republikës së Malit të Zi në Beograd.

Në zbatim të detyrimeve ndërkombëtare për paprekshmërinë e përfaqësive diplomatike, kjo ngjarje kërkon hetim të plotë dhe ndëshkim të fajtorëve.

Ne vlerësojmë se ngjarje të tilla dëmtojnë marrëdhëniet e bashkëpunimit mes shteteve, si dhe shkojnë kundër frymës të fqinjësisë së mirë dhe të integrimit mes dy vendeve që kanë objektiva të përbashkëta për Integrimin në Bashkimin Evropian

Integrimi i vendeve të rajonit tonë mes tyre dhe me Bashkimin Evropian do të ndodhë pasi secili vend të ketë garantuar standartet e maturisë politike, paqes, të sigurisë, të bashkëpunimit mbi vlera të përbashkëta të Evropës së Bashkuar./abcnews.al

 

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono