ABC Story

web-foto-nga-parakalimi-ne-Tirane-28-nentor-1944.-nga-e-majta-Mehmet-Shehu-Baba-Faja-MartaneshiKoci-Xose-Enver-Hoxha-1280x783.jpg
nev ila22:26 | 15/11/2019

Në 28 nëntor të vitit 1944, komunistët shqiptarë, organizuan një paradë ushtarake në qendër të Tiranës. Ishte një demonstrim për të celebruar fitoren mbi fashizmin, por edhe demonstrim për të legalizuar në popull fituesit e vërtetë të pushtetit politik.

Por si u zhvilluan ngjarjet që faktorizuan komunistët shqiptarë gjatë viteve të Luftës së Dytë Botërore? Cilët ishin faktorët dhe aktorët që i çuan ata drejt marrjes së pushtetit? Ishte lufta e quajtur Nacional-Çlirimtare më tepër një luftë kundër fashizmit, apo thjesht një luftë për të fituar pushtetin?

Historigrafia shqiptare ende nuk është në një zë sa i përket dilemës. Një pjesëe  mirë e historianëve të brezit të vjetër gjykojnë se lufta nisi për çlirimin e vendit nga fashistët dhe me kalimin e kohës u kthye në një luftë për pushtet, ndërkohë që një pjesë e historianëve të brezit të ri mendojnë se qysh në fillimet e luftës Enver Hoxha ka pasur vetëm një qëllim të madh: të merrte pushtetin politik.

Të shtunën në mbrëmje, në orën 22:15 emisioni Abc Story sjell një dokumentar interesant, që përmes dokumenteve të kohës, por edhe logjikës së disa prej historianëve më të mirë të dy brezave, tenton të japë një shpjegim definitiv për këtë pjesë të errët të historisë sonë./abcnews.al

rukije.jpg
ger ta23:01 | 09/11/2019

Në Tropojën e vitit të largët 1974, një operativ i Sigurimit të Shtetit tenton me të gjitha mënyrat të fusë në shtrat një vajzë të zonës.

Por vajza nga malësia e refuzon. E refuzon pafundësisht.

DOKUMENTARI I PLOTË

Për hakmarrje, njeriu i Sigurimit të Shtetit, fabrikon prova dhe dëshmitarë me qëllim që ta fusë në burg nën akuzën e agjitacion-propagandës.

Krejt e vetme, vajza mundohet të mbrohet. Duke shfrytëzuar pretendimin e akuzuesit kryesor, sipas të cilit ai ishte i bindur për krimet, pasi ishte i dashuri i saj, malësorja deklaron përpara hetuesve se është e virgjër, duke kërkuar edhe ekspertizë zyrtare mjekësore.

Ekspertët vërtetojnë se vajza ishte e virgjër, por Sigurimi i Shtetit nuk tërhiqet.

Për herë të parë, emisioni “Abc/Story” i gazetarit Ferdinand Dervishi, sjell, të shtunën në mbrëmje, në televizionin “Abc News” historinë e plotë e Rukie Ramës, këtë radhë të dëshmuar nga ish-Kryeprokurori i Tropojës, Kristaq Ngjela. Përmes një rrëfimi të pazakontë ish-kryeprokurori tregon kulisat që thureshin në Ministrinë e Brendshme dhe Kryeprokurorinë e kohës me qëllim që Rukie Rama të dënohej me patjetër, pavarësisht provave e fakteve./abcnews.al

RUKIA-ME-PROKURORIN-1280x720.jpg
nev ila10:39 | 09/11/2019

Në Tropojën e vitit të largët 1974, një operativ i Sigurimit të Shtetit tenton me të gjitha mënyrat të fusë në shtrat një vajzë të zonës.

Por vajza nga malësia e refuzon. E refuzon pafundësisht. Për hakmarrje, njeriu i Sigurimit të Shtetit, fabrikon prova dhe dëshmitarë me qëllim që ta fusë në burg nën akuzën e agjitacion-propagandës.

Krejt e vetme, vajza mundohet të mbrohet. Duke shfrytëzuar pretendimin e akuzuesit kryesor, sipas të cilit ai ishte i bindur për krimet, pasi ishte i dashuri i saj, malësorja deklaron përpara hetuesve se është e virgjër, duke kërkuar edhe ekspertizë zyrtare mjekësore.

Ekspertët vërtetojnë se vajza ishte e virgjër, por Sigurimi i Shtetit nuk tërhiqet.

Për herë të parë, emisioni “Abc/Story” i gazetarit Ferdinand Dervishi, sjell, të shtunën në mbrëmje, në televizionin “Abc News” historinë e plotë e Rukie Ramës, këtë radhë të dëshmuar nga ish-Kryeprokurori i Tropojës, Kristaq Ngjela.

Përmes një rrëfimi të pazakontë ish-kryeprokurori tregon kulisat që thureshin në Ministrinë e Brendshme dhe Kryeprokurorinë e kohës me qëllim që Rukie Rama të dënohej me patjetër, pavarësisht provave e fakteve./abcnews.al

Rukije-Rama.jpg
nev ila22:30 | 02/11/2019

Kjo është një nga historitë më të dhimbshme të epokës së komunizmit shqiptar. Në vitin 1974, Seit Zeqiri, një punonjës i Sigurimit të Shtetit tenton të fusë në shtrat një vajzë bukuroshe nga Tropoja, të quajtur Rukie Rama.

DOKUMENTARI I PLOTË

Por vajza e refuzon. E refuzon pafundësisht. Refuzimi kategorik i femrës e tërbon njeriun me pushtet. Fabula e mëtejme është e krejt e egër. Shumë shpejt dëshirave seksuale ua zë vendin hakmarrja me çdo mënyrë e çmim.

Skenarë për ta mbyllur në burg nën akuzën e agjitacion-propagandës thuren me shpejtësi. Agjentura e policisë politike të gjithë zonës angazhohet. Rukia Rama arrestohet, por nuk thyhet.

Duke shfrytëzuar pretendimin e akuzuesit kryesor, sipas të cilit ai ishte i dashuri i Rukies, malësorja deklaron përpara hetuesve se është e virgjër, duke kërkuar edhe ekspertizë zyrtare mjekësore. Çështja komplikohet. Sigurimi i Shtetit tërhiqet duke u detyruar të pranojë ekzaminimin…

Për më tepër ju ftojmë të ndiqni dokumentarin e përgatitur nga autori i emisionit Abc/Story, Ferdinand Dervishi. /abcnews.al

fredi-abc-story-12-tetor.jpg
nev ila16:19 | 12/10/2019

Regjimi komunist shqiptar i donte artistët dhe shkrimtarët për vete. Ata duhet të ishin pjesë e rëndësishme e propagandës. Pjesë e atij mekanizmi, që shërbente për të orientuar mendjen e gjithë një populli në besnikërinë ndaj Partisë dhe Enver Hoxhës, pjesë e palëkundur e nismës buçitëse të ndërtimit të socializmit.

Pikërisht për të mbajtur në shina këtë pjesë të përzgjedhur dhe deri diku të privilegjuar shqiptarësh, Sigurimi i Shtetit, përmes Drejtorisë së Tiranës, kishte angazhuar disa nga specialistët e konsideruar më të zotë.

Kështu që, puna operative, ndjekja, përgjimet, përpunimet, rekrutimet e bashkëpunëtorëve, me dëshirë apo me prova shtrënguese, referuar dokumenteve të arkivave, janë në nivele mbresëlënëse.

Sot në mbrëmje, në oren 22:15, përmes dokumeteve ekskluzive, emisioni Abc/Story, për herë të parë e sjell të plotë panoramën e përndjekjes së artistëve dhe shkrimtarëve gjatë diktaturës.

Dokumentet i përkasin punës së Drejtorisë së Tiranës në periudhën mes viteve 1962-1983. Pikërisht kjo drejtori kishte për detyrë të organizonte punën agjenturore në disa institucionet qendrore, siç ishin Radio – Televizioni, ATSH-ja, Teatri i Operas, Teatri Popullor, Instituti i Lartë i Arteve, Lidhja e Shkrimtarëve etj.

Në dokumentar janë sjellë një numër i madh bisedash të përgjuara, që tregojnë se cilët artistë e shkrimtarë ndiqeshin nga Sigurimi i Shtetit, çfarë mendimesh të dëmshme për kohën kishin dhe çfarë pasojash patën.

Në dokumentar për herë të parë vërtetohet përgjimi i disa artistëve dhe shkrimatëve më të njohur shqiptarë, si Vaçe Zela, Pirro Mani, Viktor Zhusti, Ismail Kadare, Naum Prifti, Luk Kaçaj, Mustafa Krantja, Çesk Zadeja, Tonin Harapi etj./abcnews.al

termete.jpg
ad min16:55 | 28/09/2019

Tërmeti i datës 21 shtator 2019 i frikësoi shqiptarët. Edhe pse nuk pati viktima, edhe pse dëmet materiale nuk ishin të konsiderueshme, paniku nga dridhjet, që vijuan edhe në ditët në vijim, ishte i madh. Në fakt shqiptarët duhet të kenë frikë nga tërmetet.

Emisioni Abc Story sjell sot në mbrëmje, në orwn 22:15 një histori të tërmeteve më shkatërruese që kanë goditur vendin tonë qysh nga prehistoria. Statistikat thonë se Shqipëria vendoset mes 50 vendeve me rrezikshmëri të lartë dhe historia dëshmon se, qysh në lashtësi, tërmete shkatërrues, me intesitet 6 deri në 7 ballë, kanë qenë të shpeshtë.

Zonat më të rrezikuara nga lëkundjet e tokës, janë Shkodra e Lezha në veri, Durrësi e Tirana në qendër të vendit dhe Vlora e Himara në jug. Në Durrës, vendndodhja nëntokësore e tërmeteve të fundit, në zonën ku shtrihet ky qytet dhe një pjesë e nëntokës së detit pranë tij, nuk janë pjesë e një ngjarjeje të rastësishme.

Sipas studimeve të ndryshme, qyteti i Durrësit, në nëntokën e të cilit gjenden Sedimente Kuaternare shumë të dobëta, përfaqëson zonën më të rrezikshme bregdetare në Shqipëri. Këtë e tregojnë edhe tërmetet e shumta dhe shkatërrimtare, nisur nga viti 177 para erës sonë, në vitet 300 dhe 500, në shekullin e 13 dhe sidomos në vitet 1800.

Kështu, tërmeti i shekullit të 5, që pothuaj e rrafshoi Durrësin, e detyroi Perandorin Bizantin, Anastasin e Parë, i cili ishte me origjinë nga ky qytet, që të ndërtonte një mur mbështetës, rreth 12 metër të lartë, me qëllim që të mbronte muret e kalasë së qytetit.

Një nga tërmetet më të fortë, që kanë goditur Durrësin, listohet ai i vitit 1273, pas të cilit banorët, të terrorizuar nga lëkundjet e vazhdueshme, u detyruan në braktisnin qytetin dhe të gjenin strehim në Berat.

Zbritur në jug edhe Vlora dhe rrethinat e saj përbëjnë një tjetër teatër të rrezikuar nga tërmetet. I fiksuar në një pikturë të publikuar në për herë të parë në një gazetë gjermane, tërmeti më shkatërrues në trojet shqiptare duket se mban datën 12 tetor 1851. Në pamje duket qyteti i Vlorës në pluhur e flakë dhe banorët, të cilët të frikësuar nga ajo që po ndodhte me tokën e paqëndrueshme nën këmbët e tyre, që po largohen me varka në det të hapur.

Përpara se të vendosnin të arratiseshin përmes detit, banorët kishin ndier e parë situata e skena nga ferri; shpërthime të fuqishme ishin dëgjuar për disa minuta të gjata të shoqëruara me lëkundje të frikshme tërmeti. Pothuaj të gjitha banesat e tyre ishin shembur. Flaka dhe pluhuri kishin errësuar qiellin dhe deti ishte turbulluar nga një valë cunami, dy këmbë e lartë, siç është fiksuar në histori.

Tërmeti do të shkaktonte rreth 2 mijë viktima në Shqipërinë e Jugut dhe të Mesme. 400 ushtarë do të varroseshin njëkohësisht nga rrëzimi i një muri në kalanë e Beratit, ndërkohë që, disa kilometra me tej, maja e një mali do të rrokullisej me një hungërime kërcëllitëse.

Ecur kronologjikisht, më 1 qershor të vitit 1905, një tërmet me magnitudë 6.6 goditi Shkodrën dhe zonat rreth saj duke shkaktuar 120 të vdekur. Në fund të vitit 1930 ka pasur dy tërmete me 60 të vdekur gjithsej, më 27 gusht 1943 tëmeti u ka marrë jetën 43 shqiptarëve, ai i 30 nëntorit 1967 vrau 18 njerëz, ndërsa ai i 15 prillit 1979  35 të tjerë.

Më i afërti në kohë, tërmeti i 15 prillit të vitit 1979, me magnitudë 6.9, me qendër diku në Petrovac të Malit të Zi, ishte tejet shkatërrimtar. 1 487 ndërtesa u rrafshuan me tokën, 101 njerëz humbën jetën. Disa qytete bregdetare me qendra historike, si Budva apo edhe Tivari i Vjetër, pësuan dëmtimet më të mëdha – pas nuk mbeti as Ulqini, një qytet që banohet pothuaj krejtësisht nga shqiptarët.

Kaptuar në territorin shqiptar tërmeti shkaktoi dëme të konsidrueshme në Shkodër e rrethina, ku disa fshatra pranë lumit Buna u shkatërruan krejtësisht, por dëme të mëdha pati edhe në Lezhë.

“Tërmeti tundi malet, por jo zemrat tona”, ishte sllogani i shtetit komunist shqiptar, si pjesë e një propagande të shfrenuar që mbulonte me një shtresë të trashë mjalti plagët reale të popullatës së zonave të prekura nga tërmeti.

E njëjta propagandë e shfrenuar, që sot tingëllon e trashë dhe e pakuptimtë, ka mbuluar edhe plagët e tërmetit të datës 3 prill 1969, me epiqendër në Mallakastër, që la të pastrehë mijëra njerëz, një histori që Abc Story e sjell të plotë përmes një dokumentari propagandistik të kohës./abcnews.al

mercenaret-shqiptare.jpg
nev ila19:52 | 14/09/2019

Është folur dhe flitet shumë për tendencën historike të shqiptarëve për të luftuar si mercenarë në vende të huaja kundrejt pagesës.

Por si qëndron e vërteta?

Për herë të parë një dokumentar i ciklit Abc/Story sjell sot në mbrëmje, ora 22:15, një hulumtim të plotë rreth këtij fenomeni.

Më së shumti shqiptarët dokumentohen nga historia masivisht si mercenarë në dy periudha kohore. Periudha e parë nis në shekujt 14 dhe 15 me ekspansionin otoman, kur fillimisht venedikasit, me qëllim për të mbrojtur kështjellat e tyre në Mesdhe, morën me shumicë luftëtarë shqiptarë kundrejt pagesës.

Rënia në duar të otomanëve e kështjellave, në territoret arbërore dhe greke, që mbroheshin nga shqiptarë, sjell për pasojë shtimin e numrit të shqiptarëve stradiotë, të cilët luftojnë si mercenarë, sidomos ata që emigruan bashkë me familjet në trojet italiane.

Në këtë periudhë Europa do të njihte zotësitë e stradiotëve shqiptarë, që ishin mercenarë të mirëfilltë, ushtarë me pagesë, që shkonin tek ai që paguante me mirë.

Të armatosur lehtë dhe duke kalëruar kuaj të vegjël, stradiotët shqiptarë do të bëheshin përcaktues në një numër betejash të rëndësishme mes fuqive të ndryshme të Europës.

Për pasojë, këto suksese detyruan strategët ushtarakë që të rikonceptonin rolin e kavalerisë së lehtë në udhëzuesit zyrtarë.

Një periudhë e dytë e mercenarizmit masiv përkon me lulëzimin e Pashallëqeve Shqiptare dhe zhvillimet e Revolucionit Grek për Pavarësi, filluar nga viti 1821.

Gjithsesi për këtë periudhë të dytë ka historianë që argumentojnë se nuk kemi të bëjmë me mercenarizëm të pastër të shqiptarëve, krerët e të cilëve nisën të mendonin mëvetësimin e vendit të tyre./abcnews.al

mashtruesit-3.jpg
nev ila17:57 | 08/06/2019

Emisioni ABC Story i gazetarit Ferdinand Dervishi vjen këtë mbrëmje, në orën 22:15, me një seri të tretë, që sjell sërish disa histori pikante mashtruesish shqiptarë e të huaj.

Në pjesën e parë të dokumentarit ka zënë vend historia e mashtrimit të Nikola Arsidit, një shtetasi francez, i cili në vitin 1991, i premtoi shtetit shqiptar negocimin e borxhit të jashtëm, që në këtë kohë kapte shifrën 450 milionë dollarë. Porse Nikola Arsidi dhe një numër zyrtarësh shqiptarë e shfrytëzuan këtë mundësi për të vjedhur të hollat e shqiptarëve në një kohë që ata nuk kishin as bukën e gojës të siguruar. Shuma e përvetësuar nga mashtruesi francez dhe bashkëpunëtorët shqiptarë ishte 1.6 milionë dollarë.

Kryesisht skemat mashtruese kanë për qëllim fitimin e të hollave, në disa raste përjetimin e aventurës, por, në minorancë bota ka njohur edhe mashtrimin për të vënë në lojë të tjerët dhe njëkohësisht për të mbushur veten me kënaqësi shpirtërore.

Në pjesën e dytë të dokumentarit është përzgjedhur të vendoset një histori e vitit 2007, që ka në qendër mashtrimin me gjetjen e dokumentit origjinal të pavarësisë, një lojë ende e paqartë komunikimi mes ish-kryetares së Parlamentit shqiptar Jozefina Topalli dhe historianit Kristo Frashëri.

Në pjesën e tretë është vendosur një mashtrim spektakolar me lëshimin e diplomave dhe titujve honorifikë, kundrejt pagesës, nga një organizatë me qendër në Tiranë, e cila ka peshkuar jo vetëm politikanë dhe figura të njohura publike në Shqipëri e Kosovë, por edhe në Itali./abcnews.al

foto-abc-story.jpg
nev ila16:12 | 18/05/2019

Emisioni Abc Story i gazetarit Ferdinand Devishi do të sjellë sot në mbrëmje (e shtunë, 18 maj, ora 22:15) për teleshikuesit pjesën e dytë të dokumentarit kushtuar mashtruesve më të zotë shqiptarë të të gjitha kohërave, përfshirë këtu edhe ata mashtrues të huaj, të cilët kanë ushtruar veprimtari në territorin e vendit tonë.

 

Në këtë seri të dytë vijnë të plota historia e një mashtruesi nga Kosova, i cili për disa muaj, në vitin 2004, bëri çorap Ministrinë e Rendit duke u hequr si agjent i CIA-s amerikane, historinë e Indrit Aliut, që në pak muaj, duke u hequr si përfaqësues i një fondi zhvillimi rural turko-amerikan, u përlau disa biznesmenëve shqiptarë rreth 4 milionë euro.

Historinë e stomatologes Olesia Duka, e cila në dy vjet mashtroi biznesmenë e qytetarë, duke përlarë 3 milion euro.

Si dhe historinë e plotë të Françesko Beketit (Francesco Becchetti), një sipërmarrësi italian, që në Shqipëri zbatoi një formulë të panjohur mashtrimi, e cila e bëri të pasur me dhjetëra miliona euro, pa kryer asnjë investim.

Në pjesën e parë të dokumentarit zunë vend historitë e Klejdi Kotes, që me anë të dokumenteve dhe gjyqeve false arriti të nxirrte nga banka një shumë marramendëse të hollash në vitin 2000, historinë e Mimoza Ujkës, një vajze analfabete, që bëri lëmsh Prokurorinë e Tiranës duke u hequr si oficere e policisë gjyqësore dhe që tashmë vijon të bëjë mashtruesen, me më tepër sukses, në Itali, historinë e Gazmend Males, mjekut popullor që hiqej sikur zotëronte biorryma me të cilat shëronte një varg sëmundjesh të rënda, i cili edhe ky vijon veprimtarinë në Austri, Gjermani apo Zvicër, historinë e papërsëristshme të avokates Natasha Shehu, që vodhi dëmshpërblimet e shtetit italian për shpirtrat e viktimave të Tragjedisë së Otrantos të vitit 1997 dhe që për të justifukuar të hollat shpiku një histori fantastike, sipas të cilës ajo ishte vajza ilegale e ish-kryeministrit të kohës së komunizmit, Mehmet Shehu etj./abcnews.al

male.jpg
ad min22:55 | 04/05/2019

Mashtruesit nuk përdorin armët për të arritur qëllimin e tyre. Ata vënë në përdorim mendjen. Dokumentari më i ri i gazetarit Ferdinand Dervishi rindërton historitë e disa prej mashtruesve më të zotë shqiptarë që kanë lidhje me Shqipërinë, të cilët kanë ecur në gjurmët e disa prej mashtruesve më të njohur botërorë.

Dokumentari nis me historinë e nje kllouni cirku gjerman, i cili në vitin 1913, për 5 ditë, u vetëshpall Mbret i Shqipërisë. Gjithsesi rastet më interesante që trajtohen në dokumentar i përkason aktualitetit. Janë historitë e pabesueshme të Kledi Kotes, që me anë të dokumenteve false vdiq e ngjalli njerëz, që paraqiti para gjykatës njerëz të falsifikuar e të tjera, për të nxjerrë nga banka depozitën prej 255 milionësh të një tregtari.

Historia e Blendi Pilinçit, që duke u hequr si punonjës i shtetit, bëri miliona në prag të vizitës së Papa Vojtilës në Shqipëri, historia e Mimoza Ujkës, me shkollë fillore, që bëri lëmsh prokurorinë e Tiranës duke u hequr si oficere e policisë gjyqësore dhe më tej edhe historitë e saj brilante të mashtrimit në shtetin italian.

Historia e avokates Natasha Shehu, që vodhi shpërblimet e shtetit italian për familjarët e Tragjedisë së Otrantos të vitit 1997 duke pretenduar se të hollat ja kishte lënë i ati biologjik, ish-kryeministri shqiptar i kohës së komunizmit, Mehmet Shehu, e të tjera. Të gjitha historitë e mashtruesve shqiptarë shoqërohen me histori ngjashme të mashtruesve botërorë. Dokumentari transmetohet premierë sot./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono