Gjonaj dhe Lleshaj reagojnë për Dirtan Dajtin: Vendimi i Apelit është skandaloz

16:20 | 10/02/2019

Ministrja e Drejtësisë, Etilda Gjonaj dhe ai i Brendshëm Sandër Lleshaj kanë reaguar ashpër pas vendimit të gjykatës së Apelit të Krimeve të Rënda për Dritan Dajtin, duke e shpëtuar atë nga burgu i përjetshëm.

Si rrallëherë, në sinkron me njëra-tjetrën, dy ministritë, ajo e Drejtësisë dhe Brendshme kanë raguar për ndryshimin e vendimit  nga Gjykata e Apelit për Krimet e Rënda për Dritan Dajtin nga “burgim i përjetshëm” në 25 vite burg.

Për Etilda Gjonaj dhe Sandër Lleshaj, vendimin i apelit është skandaloz dhe kriminal.

“Vendimi i trupës së gjyqtarëve për pranimin e gjykimit të shkurtuar dhe uljen e dënimit me 25 vjet për një të pandehur që akuzohet për vrasjen e 4 policëve tregon qartë se kemi të bëjmë me një aferë korruptive dhe në kundërshtim me Kodin e Procedurës Penale”.

Gjonaj njoftoi se do i drejtohet Këshillit të Lartë Gjyqësor për procedimin e trupës së gjyqtarëve, ndërsa Lleshaj pohoi se “Forca e Ligjit” është vënë në veprim të plotë.

Prokuroria ka bërë ankimimin në Gjykatën e Lartë për ndyshimin e vendimit të dhënë nga Apeli i Krimeve të Rënda, pasi më herët ishte pranuar gjykimi i shkurtuar për Dajtin duke u dënuar me 25 vite burg në total.

Dritan Dajti ka vuajtuar deri më tani 10 vite burg por, të gjithë këtë kohë e ka kryer në paraburgim që llogariten me rreth 15 vite. Në gusht të 2009, Dajti akuzohet nga prokuroria për vrasjen e ish-oficerëve të policisë, Fatos Xhani, Altin Dizdari, Kastriot Feskaj dhe Saimir Duçkollarri gjatë një shkëmbimi pranë pistës Iliria në Palzhin Durrësit./abcnews.al


<iframe width=”560″ height=”315″ src=”https://www.youtube.com/embed/mNL6MENmzxE” frameborder=”0″ allow=”accelerometer; autoplay; encrypted-media; gyroscope; picture-in-picture” allowfullscreen></iframe>

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F




Kontakt

Telefono