prokurori

Donald-Trump-e1526640469549.jpg
gra moz21:45 | 04/06/2018

Donald Trump dhe avokatët e tij kanë ngritur një sërë pikëpyetjesh, pas deklaratave se presidenti gëzon të drejtën për të falur vetëveten. Megjithatë, kreu i shtetit ka theksuar se nuk ka ndërmend ta bëjë një gjë të tillë pasi nuk ka asgjë për të fshehur.

Presidenti amerikan, Donald Trump, ka deklaruar të hënën se gëzon “të drejtën absolute” për të falur veten e tij në lidhje me rastin “Russiagate”, edhe pse insiston se nuk ka bërë asnjë shkelje. Përmes një postimi në Twitter, Trump ka hedhur sërish poshtë akuzat se stafi i tij elektoral ka bashkëpunuar me Rusinë ose ka penguar drejtësinë.

Deklarata e tij ka ardhur pasi një prej avokatëve të tij e ngriti si opsion në një program televiziv. Këshilltarja e Shtëpisë së Bardhë, Kellianne Conëay është pyetur nga gazetarët në konferencën e rregullt për shtyp.

“Përse i duhet të falë vetëveten nëse nuk ka bërë asgjë të gabuar?”, është përgjigjur ajo, duke shprehur habinë përse reporterët i kthehen kësaj çështjeje, sipas saj tërësisht hipotetike.

Një ditë më parë, avokati i presidentit Trump, Rudy Giuliani u pyet në emisionin “This Ëeek” të ABC News nëse Trump e gëzon një kompetencë të tillë.

“Me siguri që po, por ai nuk ka përse ta bëjë një gjë të tillë”, tha Giuliani.

Sidoqoftë, ish-prokurori i hekurt i Nju Jorkut u shpreh i vetëdijshëm që pasojat politike të një vendimi të tillë nuk do të ishin të lehta.

“Të falësh të tjerët në cilësinë e presidentit është një gjë, por të falësh vetëveten është një gjë tjetër”, tha ai.

Ndërkohë, Trump, në postimet e tij ka kritikuar emërimin e Robert Mueller në krye të ekipit hetimor të “Russiagate”.

“Emërimi i tij ka qenë jokushtetues. Por pavarësisht kësaj, ne po i qëndrojmë lojës sepse unë, ndryshe nga demokratët, nuk kam bërë asgjë të gabuar”, ka thënë Trump./abcnews.al

ALBERT-VELIU-KRIMET-1280x720.jpg
ent ela18:41 | 18/05/2018

Për gati 5 orë e 30 minuta Prokuroria për Krimet e Rënda mori në pyetje Albert Veliun, të konsideruarin si “Bashkëpunëtori X” në përgjimin e publikuar nga Partia Demokratike. Përveç shpjegimeve prokurorët administruan një regjistrim zëri të Veliut për ta pasur si provë krahasuese. 

Albert Veliu, personi i konsideruar si “Bashkëpunëtori x” në audio-përgjimin e publikuar nga Partia Demokratike dha shpjegime të premten para prokurorëve të Krimeve të Rënda.Për gati 5 orë e 30 minuta ai u pyet për përmbajtjen e videos në të cilën pranon se ka bërë një bisedë me vëllanë e ministrit të Brendshëm në lidhje me trafikimin e një sasie droge.

Veliu mbërriti në institucion në orën 10:30. I pashoqëruar nga një avokat ai i dha përgjigje pyetjeve të prokurorit Përparim Kulluari, për llogari të procedimit penal pa emër të regjistruar tek Krimet e Rënda për akuzën e “trafikut të narkotikëve”.

Burime të rezervuara pohuan se Veliu i ka qëndruar pretendimeve të shfaqura në videorrëfimin e tij të publikuar nga PD te enjten.

Në përfundim të seancës së marrjes në pyetje, prokurorët e krimeve i kanë bërë një regjistrim zëri Albert Veliut, për ta pasur si mostër krahasuese gjatë vazhdimit të hetimit të nisur.

Ndërsa ishte në zyrat e prokurorisë, avokati i tij, Artan Murrizi, qëndroi në hollin e godinës. Në përfundim të marrjes në pyetje, Veliu u largua me automjetin e avokatit përmes tunelit nëntokësor të godinës.

Gjatë kësaj kohe në ambientet e jashtme të Prokurorisë u vu re edhe prania e agjentëve civilë të Forcave Operacionale të policisë.

Kjo përballje me prokurorët ishte e dyta për Albert Veliun në harkun e pak orëve. Mbrëmjen e së enjtes ai u pyet në Prokurorinë e Tiranës, e cila po heton kallëzimin e bërë nga Agron Xhafaj, vëllai i ministrit, kundër tre zyrtarëve të Partisë Demokratike me pretendimin se audi-përgjimi është i rremë.

Burime pranë Prokurorisë për Krimet e Rënda konfirmuan për “ABC News” se procedimi penal për “trafik narkotikësh” i nisur tek Krimet e Rënda dhe ai për “kallëzim të rremë” në Prokurorinë e Tiranës pritet të bashkohen në një të vetëm./abcnews.al

 

balla.jpg
gra moz14:41 | 14/05/2018

Me vëmendje e kanë ndjekur edhe socialistët këtë video të publikuar nga demokratët. Qëndrimin zyrtar të partisë ia lanë kryetarit të grupit parlamentar Taulant Balla.

Taulant Balla:“PD pretendon se materiali është autentik dhe nëse kjo do të ishte e vërtetë, kemi të bëjmë me një provë që implikon të vëllain e ministrit Brendshëm dhe moralisht këtë të fundit.”

Taulant Balla kërkon që disponuesit e materialit as të provuar e as autentik ta depozitojnë në prokurori.

Taulant Balla: “Prokuroria nuk duhet t’ja lërë këtë çështje vullnetit të akuzatorëve, por duhet që në mënyrë të menjëhershme të fillojë hetimet kryesisht, sepse jo vetëm ne, por çdo shqiptar i zakonshëm në këtë vend meriton të dijë të vërtetën edhe për këtë pretendim”.

I rezervuar tregohet numri dy i Partisë Socialiste ndaj atyre që e publikuan.

Taulant Balla: Por a është ky material autentik? Një provë apo thjesht një inskenim i radhës në përpjekjen e vazhdueshme të Saliut dhe të Lulit për të baltosur këdo që u del kundër Kësaj pyetjeje, mund t’i japë përgjigje vetëm Prokuroria dhe askush tjetër prej momentit kur Prokuroria fillon hetimin”! 

Prandaj prokurorisë i bën thirrje të mos vonojë asnjë ditë.

Taulant Balla: “Ose duhet të ndërshkohet i akuzuari, nëse është fajtor për çka akuzohet, ose duhet të ndërshkohen akuzuesit nëse janë regjisorë të kësaj shfaqjeje me zë, por pa figurë”./abcnews.al

resized_f078b-3877773cadriatikllalla.jpg
ent ela11:06 | 11/05/2018

Dosja me numër 477 është regjistruar nga Prokuroria e krimeve të Rënda për hetimet e nisura ndaj ish-kryeprokurorit Adriatik Llalla. Ish-kreu i Organit Qëndror të Akuzës po hetohet për katër vepra penale, ndërsa më herët ishte shpallur non grata nga SHBA bashkë me familjen e tij, si përfshirë në afera serioze korrupsioni.

Dosja në ngarkim të ish-kryeprokurorit Adriatik Llalla i kalon për hetime të mëtejshme Prokurorisë së Krimeve të Rënda. Pas shpalljes së moskompetencës nga ana e prokurorisë lokale të Durrësit, ku kishte nisur fillimisht ky hetim, tashmë do të jenë prokurorët e Krimeve të Rënda që do të vijojnë me veprimet hetimore.

Pas regjistrimit të dosjes, mësohet se për fatin e Llallës do të vendosë prokurori Klodian Braho. Ky i fundit do të zhvilloje hetime për katër akuza ndaj ish-kryeprokurorit; pastrim parash, shpërdorim detyre, fshehje pasurie dhe mosdeklarim të të hollave në kufi. Në 15 mars të këtij viti dosja në ngarkim të ish-kryeprokurorit Llalla i është dërguar nga komisioni i Pavarur i Kualifikimit Prokurorisë së rrethit gjyqësor Durrës me kërkesë të këtij insitucioni. Pas dorëheqjes së Llallës KPK në 16 shkurt, vendosi për ndërprerjen e vettingun për ish-kryeprokurorin. Ish-kryeprokurori Adriatik Llalla më 16 maj del përpara Kolegjit të Posaçëm të Apelimit në seancë dëgjimore publike për Vettingun, pas ankimimit të bërë nga Komisioneri Publik. Ndërkohë Llalla dhe familja e tij është shpallur non grata nga Shtetet e Bashkuara të Amerikës, pas dyshimeve të forta të përfshirjes në afera të forta korrupsioni gjatë kohës që ushtronte detyrën kreut të organit qendror të akuzës.  /abcnews.al

arben-ristani-1280x663.jpg
gra moz15:48 | 09/03/2018

Sekretari i Përgjithshëm i Partisë Demokratike, Arben Ristani u mor në pyetje mëngjesin e sotëm për kontratat e lobimit të Partisë Demokratike në SHBA para zgjedhjeve të përgjithshme të 25 Qershorit.

Ish-deputeti i PD, iu përgjigj fletëthirrjes së bërë dy javë më parë nga prokurori i çështjes Gjergji Tako. Ai ka dëshmuar në Prokurorinë e Tiranës për rreth 30 minuta për kontratat me kompanite që loboi PD në SHBA. Ristani dëshmoi në cilësinë e Sekretarit të Përgjithshëm që ka dijeni për këtë çështje.

Sipas Ristanit, prokurorët morën indicie nga kontratat e publikuara në SHBA, ndërsa nuk ka asgjë për të fshehur, pasi pagesat për këto kontrata janë lëvruar përmes rrugëve bankare./abcnews.al

berisha-1280x652.jpg
gra moz22:51 | 05/03/2018

Ish-kryeministri Berisha ka deklaruar në Real Story, se nuk trembet nga drejtësia, edhe pse nuk e konsideron veten trim. Ai tha se i përket personave që përballen me frikën dhe nuk i shmangen asaj. Berisha tha se sulmet ndaj tij bëhen nga bota e krimit, përfaqësues kryesor i të cilës është Edi Rama.
Ish-kryeministri ka sulmuar fort organin e akuzës. Ai tha se Prokuroria e Shqipërisë ka qenë institucioni më i inkriminuar, për shkak të biznesit me shitjen e dosjeve. Sipas Berishës, prokurorët bënin tregti të ndyrë me dosjet e kriminelëve e trafikantëve. I pyetur për Adriatik Llallën, ish-kryeministri tha se nuk ka patur asnjëherë asnjë komunikim me të, qëkur vetë është larguar nga posti i kryeministrit. Por Berisha tha se nuk mund të mos e marrë për bazë vendimin e Rex Tillerson, që ndaloi hyrjen e ish kryeprokurorit e familjes së tij në SHBA me akuzat për korrupsion. Nga ana tjetër, Berisha tha se nuk do i kërkojë falje ambasadorit Lu, pasi sipas tij thjesht i ka kërkuar që të japë përgjigje për akuza konkrete që ka pasur ndaj tij, e nuk e ka bërë. Berisha theksoi se vetë ambasadori ka akuzuar tre herë më shumë opozitën, se c’ka akuzuar Saimir Tahirin e antarë të tjerë të qeverisë.
I pyetur për marrëveshjen e 18 Majit mes Bashës e Ramës, Sali Berisha tha, se ai vetë ka qenë për atë marrëveshje, në kushtet kur duhej një garanci për të hyrë në zgjedhje, pasi ndërkombëtarët deklaruan se do i njihnin, edhe nëse opozita do i bojkotonte.
Lidhur me aktivizimin e kritikëve të Bashës në një lëvizje politike, Berisha tha se PD duhet të bashkojë demokratët prej vitit 1990, në bazë të kontributeve të tyre, pasi partia e parë opozitare në vend sipas tij, i ka të gjitha mundësitë për t’u bërë burim frymëzimi për të gjithë shqiptarët. Sot Shqiptarët mezi presin të shkëputen nga Edi Rama që ka nxirë imazhin e vendit, tha ish-kryeministri./abcnews.al

damian-gjiknuriio.jpg
gra moz18:12 | 26/02/2018

Damian Gjiknuri dëshmoi sot pasdite në Prokurorinë e Krimeve të Rënda lidhur me hetimet që po kryhen për zbatimin e projektit të autostradës Tiranë-Elbasan. Ministria e Infrastrukturës dhe Energjisë e drejtuar nga Gjiknuri kishte paraqitur kallëzim nën Prokurori për këtë çështje, pas një auditi në ARRSH që konstatoi shkelje dhe dëm financiar në buxhetin e shtetit.

Ministri i Infrastrukturës dhe Energjisë, Damian Gjiknuri, dëshmoi për rreth një orë në Prokurorinë e Krimeve të Rënda, lidhur me hetimin e nisur për abuzimet me rrugën Tiranë-Elbasan.

Përpara prokurores Elisabeta Imeraj, Gjiknuri ka dhënë detaje per shkeljet e konstatuara nga Auditi i Ministrisë tek Autoriteti Rrugor Shqiptar lidhur me këtë projekt.

Damian Gjiknuri: “Në cilësinë e personit që ka dijeni dhe që mund të kontribuojë për çështjen, meqenëse kam qenë ministër apo përfaqësues i organit kallëzues në lidhje me veprën që po hetohet nga Prokuroria. Kështu që unë nuk kam ndonjë gjë për të shtuar. Unë nuk jam këtu për të bërë hetime. Unë çfarë kam për t’i thënë i kam shprehur në raportin e auditimit tim dhe njëkohësisht i deklarova dhe në Prokurori. Në cilësinë e personit kallëzues duhet të jepja shpjegimet e mia në lidhje me kallëzimin”.

Auditi i kryer nga Ministria e Infrastrukturës për autostradën Tiranë-Elbasan, e cila ka nisur të ndërtohet në vitin 2011, por ende s’ka përfunduar zbuloi një dëm prej rreth 54 milionë euro në buxhetin e shtetit.

Organi i hetimit ka vendosur ngritjen e një grupi ekspertësh rrugore, të cilët do të vlerësojnë nga afër punimet e kryera në këtë segment.

Sipas burimeve, ata do të përpilojnë një akt-ekspertim, duke konstatuar përputhshmërinë e punimeve të konsideruara si të kryera në dokumentacion, me ato të kryera në të vertëtë. Ekspertët do të vlerësojnë nëse amendimet e kontratave kane qenë apo jo të nevojshme.

Damian Gjiknuri është zyrtari i tretë i lartë i cili thirret për të dëshmuar.
Në pyetje për këtë dosje janë marrë edhe paraardhësit e Gjiknurit, dy ish-ministra të LSI-së, Sokol Dervishaj dhe Edmond Haxhinasto. Po ashtu në Prokurori është thirrur për të deshmuar edhe kreu aktual i Autoritetit Rrugor Shqiptar, Afrim Qendro.
Në pranga për “shpërdorim të detyrës” lidhur me projektin e autostradës Tiranë-Elbasan janë aktualisht ish-drejtori i ARRSH, Dashamir Xhika, dhe dy ish-vartësit e tij, Albens Alite dhe Aksel Qurduka./abcnews.al

damian-gjiknuri.jpg
gra moz17:18 | 26/02/2018

Ministri i Infrastrukturës dhe Energjisë ka shkuar në Prokurorinë e Krimeve të Rënda për të dëshmuar në lidhje me kallëzimin që ka bërë për abuzimet me rrugën Tiranë – Elbasan.

Pas kallëzimit me abuzimet me fondet janë arrestuar tre ish-zyrtarë të lartë të ARRSH-së, Dashamir Xhika, Albens Alite dhe Aksel Qurduka.

Me abuzimet në rrugën Tiranë – Elbasan dyshohet se shtetit i është bërë një dëm prej 54 milionë dollaresh./abcnews.al

vlcsnap-error975-2-1280x720.jpg
ent ela13:34 | 19/02/2018

Ish- ministri i Transporteve, Edmond Haxhinasto, u mor në pyetje për rreth 1 orë në Prokurorinë e Krimeve të Rënda, lidhur me procedurat e ndjekura në ndërtimin e rrugës Tiranë – Elbasan. Deri tani për këtë çështje janë në hetim ish-drejtori i ARRSH, Dashamir Xhika dhe 2 ish-vartës të tij.

Hetimi i nisur ndaj tre ish-zyrtarëve të Autoritetit Rrugor Shqiptar
për abuzime me fondet gjatë ndërtimit të rrugës Tiranë – Elbasan solli të hënën në Prokurorinë për Krimet e Rënda ish-ministrin e Transporteve, Edmond Haxhinasto.
Për gati një orë, ish-zyrtari i lartë dha shpjegime para prokurores, Elisabeta Imeraj, për procedurat e ndjekura gjatë ndërtimit të rrugës për kohën, kur ai drejtonte ministrinë që kishte në varësi ARRSH-në.
Haxhinasto, aktualisht deputet i Lëvizjes Socialiste për Integrim
ishte i vetëm në institucionin e akuzës.
Në dalje, ai rrëfeu se për cfarë u pyet, por nuk dha detaje në lidhje me përgjigjet e dhëna.

Deri më tani, Prokuroria për Krimet e Rënda ka tre ish-zyrtarë të Rrugëve nën hetim për këtë çështje, ish-kreun e ARRSH-së, Dashamir Xhika dhe dy ish-vartësit e tij, Albens Alite dhe Aksel Qurduaka. Ata po hetohen në masën e sigurisë “arrest në burg” për akuzën e “shpërdorimit të detyrës” dhe “korrupsionit”. Sipas Prokurorisë, tre ish-zyrtarët përmes veprimeve dhe mosveprimeve kanë lejuar ndryshime të kontratave fillestare duke i shkatuar buxhetit të shtetit një dëm financiar që llogaritet në gati 37 milionë dollarë.

Në një prononcim të bërë disa ditë më parë, kur emri i tij u lakua si një nga personat që po verifikohej nga Prokuroria, Haxhinasto u shpreh se ishte i hapur për çdo hetim.
Në ditët në vijim në Prokurorinë për Krimet e Rënda pritet të pyeten të tjerë ish-zyrtarë të lartë të Ministrisë së Transporteve./abcnews.al

vlcsnap-error770-2-1280x720.jpg
ent ela11:24 | 16/02/2018

Prokurori special Robert Mueller, i cili heton për çështjen “Russiagate”, ka marrë në pyetje për 20 orë ish-shefin e strategjisë të presidentit amerikan Donald Trump. Mediat bëjnë me dije se Steve Bannon i është përgjigjur të gjitha pyetjeve.

Steve Bannon, ish-shefi i strategjisë së presidentit amerikan Donald Trump, është marrë në pyetje si pjesë e një hetimi për dyshimet e ndërhyrjes së Rusisë në zgjedhjet e 2016-ës. Ai është takuar me prokurorin special Robert Mueller për dy ditë me radhë këtë javë. Bannon ka qenë drejtues i fushatës presidenciale të Trump përpara se të bëhej një zyrtar i Shtëpisë së Bardhë.

Ai u largua nga detyra në Gusht të viti të kaluar për shkak të tensioneve me ndihmës të tjerë. Mueller po drejton një hetim për dyshimet se ekipi i fushatës së Trump kishte lidhje me Rusinë, vend i cili akuzohet se ka ndikuar në zgjedhjet presidenciale amerikane. Por Moska dhe Trump mohojnë këtë gjë.

Hetuesit besojnë se Bannon posedon informacion kyç për administratën Trump, përfshirë detaje përse presidenti amerikan shkakroi ish-drejtorin e FBI James Comey. Ky i fundit ka thënë më herët se nuk ka asnjë dyshim se është shkarkuar nga Trump për të ndikuar tek hetimi për “Russigate”, një akuzë të cilën Shtëpia e Bardhë e mohon.

Ndërkohë, nuk është e qartë akoma se përse është pyetur Bannon, por raportohet se ka shpenzuar rreth 20 orë duke folur me ekipin e Mueller. Një burim afër procesit, tha për “Associated Press” se Bannon i është përgjigjur të gjitha pyetjeve që i janë bërë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono