prokurori

zjarri.jpg
G. P.13:52 | 16/04/2019

Prokurori francez që po heton rastin e zjarrit në katedralen e Notre Dame është fokusuar në pistën e një aksidenti. Zyrtari ka deklaruar se për momentin nuk është gjetur asnjë gjurmë që të çon drejt pistës së një akti të qëllimshëm.

Hetimet e para mbi flakët që përfshinë të hënën katedralen e Notre Dame në Paris favorizojnë pistën e një zjarri aksidental. Deklarata është bërë nga prokurori i çështjes, Remi Heitz, i cituar nga e përditshmja franceze “Le Figaro”.

“Dua të jem i qartë se asgjë në këtë fazë nuk tregon për një veprim të qëllimshëm, ndaj pista e një zjarri aksidental është më e privilegjuara”, deklaroi Heitz.

Ai garantoi se do të përdorë çdo mjet për të zbuluar origjinën e zjarrit dhe konfirmoi se dëgjesat e dëshmitarëve janë ende në vazhdim.

“5 kompani të ndryshme po punonin në vendin e ngjarjes dhe dëgjesat e punonjësve dhe punëdhënësve janë në zhvillim e sipër. Në tërësi janë 15 dëshmi që duhet të mblidhen”, deklaroi prokurori.

Hetuesi sqaroi më tej se alarmi i parë mbi ngjarjen e rëndë ra në orën 18 e 20, por në vendin e ngjarjes nuk u gjetën gjurmë zjarri.

Më pas pati një alarm të dytë në 18 e 43 dhe zjarri u konstatua në përmasa të mëdha. Ndërkohë, njerëzit e pranishëm në katedrale, ku po mbahej një meshë, kishin filluar të evakuoheshin pak më herët.

“Hetimet do të jenë të gjata dhe komplekse, por do të përdoren të gjitha mjetet për të arritur tek e vërteta, tek origjina e këtij zjarri të tmerrshëm”, deklaroi prokurori./abcnews.al

bujar-sheshi-1280x721.jpg
nev ila19:49 | 12/04/2019

Personi për të cilin Autoriteti i Dosjeve deklaroi se prokurori Bujar Sheshi ka qenë ish-sigurims, është një person tjetër me të njëjtin emër. Me këtë argument, avokati i anëtarit të KLP ka dorëzuar në Gjykatën Administrative një padi ndaj Autoritetit të Dosjeve. Identiteti i personit që pretendon ky autoritet është një shtetas me emrin Bujar Shesha.

Gjykata Administrative vendosi të pranojë padinë e anëtarit të KLP Bujar Sheshit ndaj Autoritetit për Informimin mbi Dokumentet e Ish-Sigurimit të Shtetit, i cili e pati akuzuar se prokurori ka qenë ish-sigurims.

Avokati i anëtarit të Këshillit të Lartë të Prokurorisë, Julian Mërtiri, në padinë e depozituar ka deklaruar se personi për të cilin flet Autoriteti i Dosjeve, nuk është Bujar Sheshi. Sipas tij, shtetasi për të cilin thuhet se ka qenë bashkëpunëtori i ish-sigurimit është personi me identitetin Bujar Rasim Shesha.

Një element tjetër ku është mbështetur padia e avokatit të Bujar Sheshit është fakti se ai ka qenë prokuror dhe jo hetues. Sipas avokatit Mërtiri, në kohën e diktaturës, hetuesia ka qene organ i veçante nga Sigurimi i Shtetit dhe s’ka pasur lidhje me prokurorinë.

Në kohën e publikimit të dokumentit nga Autoriteti i Dosjeve, Anëtari i Këshillit të Lartë të Prokurorisë e ka mohuar që ka qenë pjesë e ish-sigurimit të shtetit.

Ndërsa në reagimin e Prokurorisë së Përgjithshme thuhej se Sheshi e kishte plotësuar nën përgjegjësinë e tij personale formularin e deklarimit. Në ligjin për organet e qeverisjes në sistemin e drejtësisë, thuhet se për të qenë anëtar i KLP, kandidati nuk duhet të ketë qenë pjesë e sigurimit të shtetit.

Pas vendimit ka reaguar kryetarja e Autoritetit të Hapjes së Dosjeve, Gentiana Sula e cila ka paralajmëruar se do ta apelonte vendimin e gjykatës Administrative për Bujar Sheshi, duke i qëndruar në këtë mënyrë pretendimit fillestar se Bujar Sheshi ka qenë bashkëpunëtor i ish-sigurimit të Shtetit./abcnews.al

GJONAJ-SINKRON-ABC-M5T1.mpg_snapshot_00.00-1280x720.jpg
ent ela13:42 | 10/04/2019

Vetëm javën e shkuar Policia e Shtetit ka evidentuar shtatë vepra penale për korrupsion dhe shpërdorim detyre dhe ka dërguar procedim penal 11 persona. Shifrat u bënë publike nga Ministrja e Drejtësisë Etilda Gjonaj e cila bëri të ditur gjithashtu se Shërbimi i Kontrollit të Brendshëm të Burgjeve ka dërguar në Prokurorinë për shpërdorim detyre drejtorin e Institutit të Ekzekutimit të Vendimeve Penale në Vlorë dhe gjashtë punonjës. /abcnews.al

 

Deklarata e plotë:     

Jam këtu përpara jush në këtë raportim të përjavshëm, lidhur me masat dhe rezultatet e punës së strukturave të luftës kundër korrupsionit në administratën publike.

Task Forca Ndërinstitucionale Antikorrupsionka vijuar me inspektime dhe kontrolle në institucione e administratës publike dhe zyrat që ofrojnë shërbime ndaj qytetarëve.

Trupa e inspektorëve të Task Forcës Antikorrupsion ka ushtruar kontroll administrativ dhe ligjor në Qendrën Kombëtare të Cilësisë Sigurisë dhe Akreditimit të Institucioneve Shëndetësore (QKCSAISH), Tiranë, lidhur me respektimin e parashikimeve ligjore në procedurat e akreditimit të institucioneve shëndetësore, si dhe të vlerësimit të standardeve të paracaktuara të cilësisë dhe sigurisë që duhet të sigurohen nga këto institucione.

Nga kontrolli janë evidentuar shkeljet në vijim;

  • Parregullsi dhe mangësi në mbajtjen dhe evidentimin e dokumentacionit ligjor në mospërputhje me respektimin e parashikimeve ligjore në procedurat e akreditimit të institucioneve shëndetësore;
  • Institucioni gjatë kësaj peridhe ka kryer përpjekje minimale për nxitjen dhe ndërgjegjësimin e institucioneve shëndetësore për të filluar dhe finalizuar procedurën ligjore të akreditimit apo arritjen/mbajtjen e standardeve shëndetësore të miratuara nga Ministria e Shëndetësisë të ofrimit të shërbimit shëndetësor për qytetarët;
  • Vizitat e mbikëqyrjes së akreditimit, nuk kryhen rregullisht, periodikisht çdo një vit pas akreditimit, sipas parashikimit ligjor të detyrueshëm, qëllimi i të cilit është vlerësimi i vazhdueshmërisë së plotësimit të standardeve për akreditim, në kundërshtim kështu më legjislacionin në fuqi.

Në përfundim të kontrollit janë rekomanduar 9 masa disiplinore “Vërejtje me paralajmërim për largim nga detyra”

  • për Drejtorin e institucionit,
  • përgjegjësin e sektorit dhe
  • 7 specialistët e Sektorit të Akreditimit dhe Sektorit të Cilësisë, Sigurisë, Menaxhimit të Rreziqeve dhe të Drejtave të Pacientit.

Janë rekomanduar gjithashtu dhemasa administrative për përmirësimin e veprimtarisë të institucionit dhe përmbushjen e detyrimeve ligjore.

Gjithashtu kontrolle periodike vijojnë të ushtrohen edhe nga Shërbimi i Kontrollit të Brendshëm të Burgjeve.

Në këtë javë, janë referuar në Prokurorinë e Rrethit Gjyqësor Vlorë materialet procedurale, në ngarkim të 6punonjësve të IEVP-së Vlorëpër veprën penale të falsifikimit të dokumenteve dhe shpërdorimit të detyrës, përfshirë dhe Drejtorin e këtij institucioni.

Nga strukurat kundër korrupsionit, në Policinë e Shtetit, nga java që lamë pas,janë evidentuar 7vepra penale në fushën e korrupsionit dhe shpërdorimit të detyrës, duke proceduar penalisht 11 autorë.

Për të gjitha rastet e evidentuara, nga strukturat për hetimin e korrupsionit janë kryer veprimet hetimore dhe referuar në Prokurori, për veprat penale “Korrupsioni pasiv i personave që ushtrojnë funksione publike” dhe “Shpërdorimi i detyrës”.

Dua ta mbyll deklaratën e sotme me një falenderim dhe një inkurajim për të gjitha institucionet ligjzbatuese të cilat vijojnë të punojnë duke prodhuar rezultate gjithnjë e më konkrete në sfidën e përbashkët të luftës kundër korrupsionit;si dhe të ftoj qytetarët të vijojnë e të na mbështetin me përfshirjen e tyre dhe denoncimet e rasteve korruptive që hasin në marrëdhëniet e përditshme me institucionet shtetërore.

 

Salianji-1280x721.jpg
ent ela16:41 | 04/04/2019

Ish-deputeti Ervin Salianji doli për herë të dytë në selinë blu nga ku akuzoi kryeministrin për ngritje në detyrë të ish-zv/drejtorit të Policisë Fier në krye të policisë së këtij qyteti, kjo sipas demokratëve për shkak të shërbimit kriminal që Marko i bëri pushtetit në rastin e dosjes “Babale”.

Akuzat në drejtim të kreut të policisë së Fierit, Andon Marko demokratët i vijuan me publikime të tjera.

Pas përgjimeve të publikuara nga demokratët si pjesë e dosjes së Prokurorisë dhe që sipas Salianjit vërteton marrëdhënien mes Andon Marko-s dhe Fredi Alizotit, dëshmitarit, të fabrikuar sipas selisë blu, në dosjen “Babale” që impikoi vëllain e Fatmir Xhafajt si të dyshuar për trafik ndërkombëtar droge, Ervin Salianji bën publik një tjetër detaj.

“Në datën 17 Tetor, pasi ka komunikuar nga qershori në tetor dhe ka pasur shumë takime mes Markos dhe Alizotit, drejtori i sotëm i policisë së fierit deklaron se ai “jam zv/drejtor për hetimin e krimeve në Drejtorinë e Policisë Fier nga viti 2017, për sa më pyesni për Alizotin e njoh sepse e kam takuar vetëm njëherë”.

Bazuar mbi kodin penal shqiptar, deklaratën e Markos në prokurori që mban datën 17 tetor dhe përgjimeve tashmë të publikuara nga selia blu që për Salianjin vërtetojnë kontaktin e shpeshtë mes Alizotit dhe Andon markos, ky i fundit, thekson Salianji jo vetëm nuk duhej rritur në detyrë nga zëvendës drejtor në drejtor i policisë fier, por duhej arrestuar për deklarim të rremë./abcnews.al

klp.jpg
G. P.11:03 | 01/04/2019

Prokurori Arben Dyla është caktuar përkohësisht në pozicionin e Drejtuesit të Prokurorisë pranë Gjykatës së Shkallës së Parë Lushnje. Vendimi është marrë sot gjatë mbledhjes së Këshillit të Lartë të Prokurorisë me 7 vota pro.

Krahas Arben Dylës, për drejtimin e Prokurorisë së Lushnjes ishin dhe dy propozime të tjera, prokurorja Rovena Zoto, që mori 2 vota pro dhe prokurorja Merita Selimi (Qorri)  që mori vetëm 1 votë pro.

Po ashtu përkohësisht në krye të Prokurorisë së Fierit u caktua Violeta Shkurta, me 7 vota pro. Me 10 vota pro, Këshilli i Lartë i Prokurorisë deklaroit mbarimin e statusit të magjistratit për prokurorin, Ardian Nezha, sipas kërkesës së tij për dorëheqje.

Në mbledhjen e sotme të KLP-së, me short ndër tre kandidatura, u përzgjodh Tartar Bazaj si anëtari i pestë i Komisionit të Posaçëm pёr vlerёsimin e kandidatёve pёr SPAK./abcnews.al

SALIANJI-SINKRON.mpg_snapshot_00.22-1280x720.jpg
ent ela10:21 | 08/03/2019

Ish-deputeti i Partisë Demokratike, Ervin Salianji u paraqit në Prokurori si i pandehur në lidhje me çështjen “Xhafaj-Babale”. Ai thotë se është marrë i pandehur vetëm se ka denoncuar një trafikant ndërkombëtar droge, në një kohë që të tjerë persona duhet të ishin në vend të tij.

Ervin Salianji, ish-deputeti i Partisë Demokratike, në orën 9 të së premtes u paraqit në Prokuorinë e Tiranës për si pandehur në lidhje me çështjen “Babale”.

Prokuroria e akuzon Salianjin për veprën penale “kallzim i rremë”. Pasi qëndorojë afërsisht 40 minuta në organin e akuzës, ku prokuror i çështjes është Genc Qana, ish-deputetit tha se u mor i pandehur vetëm se ka denoncuar një trafikant ndërkombëtar droge.

“Mbi bazën e kallëzimit të trafikantit që sot nuk gjendet l, unë jam i proceduar. Dhe padiskutim që do ta vazhdojmë procesin dhe do të kem të tjera për të folur edhe kur të jemi në gjykatë apo pasi të njihemi me të gjithë aktet e dosjes, do t’ua bëjmë publike.

Nuk ka pasur një hetim, siç duhet të kishte në fakt, për drejtorin e Përgjithshëm të Policisë, për kryetarin e grupit të Partisë Socialiste dhe për ish-ministrin e Brendshëm të shkarkuar, pas nxjerrjes së këtij skandali. Kështu që e gjitha është si kronikë e kohëve të vjetra”.

Edhe pse nuk e ka imunitetit e deputetit, Salianjo pohoi se nuk i trembet një arrestimi të mundshëm.

“Frika nuk hyn dhe nuk është një nga ndjesitë e mia, fare. Kështu që për më tepër kur kam me vetë edhe të drejtën. Rasti i Geron Xhafajt dhe Fatmir Xhafajt në lehtësimin e trafikut të drogës vëllait të vet është një çështje tanimë e ditur por ajo që është e paditur është edhe Shërbimi Sekret apo edhe institucione të tjera ligjzbatuese në këtë vend kanë qenë në ndjekje të tij për ta kapur. Edhe shërbimet të tjera partnere kanë qenë në ndjekje për të kapur Geron Xhafën. E kemi kapur ne, ky është një shërbim i madh që i kemi bërë vendit”.

Veç deputetit të dorëhequr në hetim janë dhe Albert Veliu dhe i afërmi i tij që imitoi zërin e Agron Xhafës, Fredi Alizoti dhe gazetari Jetmir Olldashi. Përmes një audio-përgjimi të publikuar në një media online në Shqipëri, dhe që më tej u kthye edhe në akuzën e opozitës ndaj qeverisë, u pretendua se Agron Xhafaj, vëllai i ish-ministrit të Brendshëm, Fatmir Xhafaj, fliste me Albert Veliun, njohur si “Babale” për pazare droge. Por zëri i audios rezultoi të mos ishte i Agron Xhafës por i Fredi Alizotit.

/abcnews.al

petrit-fusha-compressor.jpg
ent ela10:26 | 06/03/2019

Dorëhiqet në mënyrë të papritur nga detyra, prokurori i prokurorisë së Përgjithshme Petrit Fusha. Në tekstin e dorëheqjes së siguruar nga ABC Neës, prokurori shprehet se pas 32 viteve pune në sherbimin e Prokurorisë, kërkon që përvojën ta përdorë në dobi të një aktiviteti tjetër me më pak ngarkesë.

“Koha në të cilën po jetojmë është tejngarkuar me ngjarje e fenomene të drejta e të padrejta. Një profesionist në moshën time natyrshëm zgjedh me maturi vendin se ku mund të kontribuojë më mirë”, shkruan në tekstin e dorëheqjes, prokurori Fusha.

Në vijim të këtyre argumenteve, prokurori thotë se ka vendosur të paraqesë dorëheqjen nga detyra e Prokurorit në Prokurorinë e Përgjithshme, si dhe nga shërbimi i Prokurorisë.

Ndërkohë, për këtë çështje është mbledhur Këshilli i Lartë i Prokurorisë, i cili me shumicë votash ka vendosur se mbarimi i mandatit për Fushën do të jetë në datë 31 mars. /abcnews.al

 

vettingu-kpk-1280x853.jpg
ent ela17:01 | 13/02/2019

Komisioni i Posaçëm i Apelimit nisi shqyrtimin e ankimit të bërë për prokuroren Antoneta Sevdari, anëtare e Këshillit të Lartë të Prokurorisë dhe  shpalli vendim për ish-anëtarin e Kushtetueses, Gani Dizdari. Ndërkohë para KPK-së doli prokurori i Dritan Dajtit në Apelin e Krimeve, Artan Bajrami.

E mërkura ishte një ditë e ngarkuar me seanca në Komisionin e Pavarur të Kualifikimit dhe në Kolegjin e Posaçëm të Apelimit. Prokurorja Antoneta Sevdari, anëtare e Këshillit të Lartë të Prokurorisë ishte para Kolegjit të Posaçëm të Apelimit, pas ankimimit të Komisionerit Publik të vendimit të Komisionit të Pavarur të Kualifikimit që e ka mbajtur në detyrë. Komisioneri Publik kërkoi çeljen e hetimit mbi burimin e ligjshëm të të ardhurave për krijimin e pasurive të subjektit të rivlerësimit dhe personave të lidhur me të. Për t’i dhënë kohë prokurores dhe Komisionerit për t’u njohur me një denoncim të ri të paraqitur në KPA për Sevdarin, seanca u shty për në 19 Shkurt.

Më herët, në një tjetër seancë, një trup gjykues i KPA-së vendosi unanimisht të lërë në fuqi vendimin e Komisionit të Pavarur të Kualifikimit më 16 Korrik 2018 për shkakrimin nga detyra te gjyqtari Gani Dizdarit. Ish-anëtari i Kushtetueses u përjashtua nga sistemi për shkak të kontakteve të papërshtatshme dhe problemeve me pasurinë.

Ndërkohë, kreu i Prokurorisë së Apelit për Krimet e Rënda, Artan Bajrami, doli para një tresheje gjykuese në KPK. Nga hetimi i Komisionit rezultoi një pasaktësi në pagesën e 1.5 milionë lekëve për blerjen e një apartamenti 6.5 milionë lekë. Shuma sipas prokurorit ishte dhënë nga baxhanaku, ndaj nuk e kishte deklaruar. Për Drejtorinë e Sigurimit të Informacionit të Klasifikuar, Artan Bajrami, është figurë e pastër dhe pa lidhje me krimin. Bajrami ishte prokurori që përfaqësoi akuzën në gjykimin ndaj Dritan Dajtit në Apelin e Krimeve të Rënda. Pas përfundimit të seancës, ai siguroi median se ne lidhje me këtë çështje do të bëhet rekurs në Gjykatën e Lartë./abcnews.al

POLICIA-ASNJE-TE-NDALUAR-PER-VRASJEN-E-BILALIT-1280x720.jpg
ent ela16:17 | 01/02/2019

Më shumë se 30 të shoqëruar janë marrë në pyetje në polici për vrasjen e tipit mafioz të ish-policit Arben Bilali, por ende uniformat blu nuk kanë rënë në gjurmët e atentatorëve. Ndërkohë dosja penale u regjistrua në prokurori e Tiranë pa autor.

Policia e Tiranës ende nuk asnjë person të ndaluar për vrasjen e ish- efketivit Arben Bilali, ngjarje kjo e ndodhur mesditën e 30 janarit në zonën e Selitës.

Matarialet u referuan në prokurorinë e kryeqytetit nga Oficer të Policisë Gjyqësore për nenin 78 të Kodit Penal me akuzën, “Vrasje me paramendim”, duke u regjistruar dosja pa autor. Menjëherë, pas krimit në Drejtorinë e Policisë së Tiranës u morën në pyetje edhe anëtarët e familjes Xhabafti, të cilët mohuan përfshirjen e tyre në krim, duke dhënë si alibin edhe  pamjet filmike se, ku ishin në ato moment kur kishte ndodhur ngjarja. Edhe pse janë sekuestuar më shumë se 20 kamera sigurie si, të bizneseve të zonës së Selitës e, po kështu, në rrugën “Safer Konda”, ku jetonte ish-polici me familjen e tij, përsëri grupi hetimor e ka të vështirë që të përftojë identikitin e ekzekutuesit. Nga ato pak pamje që janë të vlefshem, atentatori ka qëlluar nga një atomjet tip Mecedes Bens,  S Class i zi, i cili ka qenë i maskuar, duke e bërë të pamundur identifikimin. Gjithashtu rreth 1 km nga vendi i krimit, mjeti luksoz ka ndërruar targat false e, dyshohet se më pas ka ndjekur intenerarin për t’u larguar nga rruga e vjetër e Ndroqit.

Burimet nga policia e Tiranës janë të rezervuara, teksa ekzekutimi i Bilalit lidhet me hakamrrjet e vjetra që datojnë nga viti 1994. Për mënyrën se si u ekzektua, ish-polici, ekspertët e krimeve të rënda në policinë e Tiranës, pohojnë se atentatorët kanë qenë profesionitë. Ata kanë ndjekur në detaje lëvizjet e viktimës, duke mos i dhënë asnjë mundësi kundërpërgjigjeje, e më pas u larguan pa lënë shumë prova materiale. Në Laboratorin e Policisë Shkencore u dërguan për ekspertizë balistike gëzhojat e gjetura në vendngjarje për të vertetuar nëse arma e krimit është përdorur në ndonjë tjetër ngjarje kriminale apo jo. /abcnews.al

sheshi-1-933x445.jpg
ent ela13:00 | 29/01/2019

“Gjithë kjo situatë është një sajesë e ulët për të cënuar integritetin tim moral dhe professional…  të godite procesi i vettingut… politikisht”. 

Qëndrimin e mbajtur ndaj akuzave që e pozicionojnë si bashkëpunëtor të sigurimit të shtetit në kohën e diktaturës, kreu i këshillit të Lartë të Prokurorisë nuk mund të mos e formalizonte.

Kallëzimin drejtuar prokurorisë së shkallës së parë Tiranë, Bujar Sheshi e bën kundrejt Autoritetit për Informimin mbi Dokumentat e ish-sigurimit të shtetit, me akuzën e “falsifikimit të dokumentave” dhe “Shpërdorimit të detyrës”.

Kjo pasi sipas kreut të KLP-së, përfundimet e dala nga vendimi nr.12 i 22 janarit të Autoritetit të Dosjeve, të cilat e cilësojnë Sheshin si bashkëpunëtor të Sigurimti të shtetit dhe anëtar në hetuesinë e degës së punëve të brendshme Fier nga viti 1979, janë të rreme.

Të dhënat e rreme janë shënuar me dashje në vendim, sipas Sheshit, me qëllim cënimin e integritetit moral e professional të tij.

Pas këtij kallëzimi ka reaguar dhe kryetarja e Autoritetit të Dosjeve, Gentiana Sula sipas të cilës, për rastin janë bërë verifikimet e duhura dhe zoti Sheshi është vetëm një nga 30 funksionarët e lartë të identifikuar me probleme.

I menjëhershëm erdhi reagimi i prokurorisë së Tiranës e cila nisi hetimet për rastin. Veprimet hetimoresynojnë zbardhjen e ligjshmërisë dhe vërtetësisë së vendimit të Autoritetit, ligjshmërinë e ndjekur nga Prokuroria e Përgjithshme në veprimet e saj për kandidatin Sheshi si dhe vërtetësinë e deklarimeve të ktij të fundit në formularin përkatës./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono