prokurori
nev ila15:00 | 08/11/2019
Policia e Shtetit ka zgjeruar hartën e kërkimeve për kapjen e autorëve të dyshuar të atentatit të tipit mafioz, ku mbetën të plagosur, prokurori Arjan Ndoj e miku i tij Pëllumb Muharremi, ndërsa ndërroi jetë Andi Maloku.
Pas kërkimeve të zhvilluara mbrëmjen e së enjtes në Lushnje e Vlorë, Forcat e Ndërhyrjes së Shpejt dhe ato të RENEA-s nuk kanë rënë ende në gjurmë të autorëvë të dyshuar të ngjarjes.
Zyrtarisht është shpallur në kërkim policor si person që mund të ketë dijeni për ngjarjen ose i përfshirë në atentat, Julian Sula me origjinë nga Thanasaj e Lushnjes.
Ai nuk iu është përgjigjur kërkesës së policisë për të sqaruar rrethanat në atentatin e së premtes të datas 1 nëntor, teksa ka dyshime se janë gjetur gjurmë papilare të tij në automjetin e sekuestuar në Shkafan të Ishmit.
Dyshimet janë se Juli i “Pashkos” siç njihet ndryshe mund të fshihet në zonën e kenetës, ku u kotrollua edhe një banesë që dyshohet se përdorej si bazë nga persnat me rekorde kriminale. Ka dyshime se pak para të së zhvillohej kontrolli i FNSH-së, shtëpia ishte pastruar, duke larguar të gjitha mjetet që shërbejnë për kryerjen e një atentati.
Ndërkohë në orët e parë të së premtes, Forcat Operacionale zhvilluan një aksin blic në qytetin e Peqin. Nga qelizat telefonike ka rezultuar se dy persona të tjerë që vijojnë të qëndrojnë në arrati të jenë lokalizuar në atë zonë por operacioni rezultoi pa sukses.
Zona që mbahet në vëzhgim 24 orë është Nikla. Në atë lokalitet dyshohen se fshihen persona me rokorde të theksuara kriminla nga qyteti i Shkodrës. Policia gjatë kontrollit të ushtruar nuk gjeti ndonjë provë të fortë përveç disa jelekëve antiplumb, thika dhe një automjet të binduar.
Zonat të tjera të nxehta ku kryen operacione të njëpasnjëshme ndodhen Durrës dhe Shkodër. Në total janë angazhuar më shumë se 500 forca policie por, ende nuk ka të arrestuar përveç Redjan Rrajën, i cili ishte në tentativë për të ikur nga vendi yne, drejt Malit të Zi.
Gjatë padites së djeshme, në një ndërhyrje live në Abc News, Julian Sula mohoi të kishte gisht në ndonjë atentat, ndërsa në lidhje me breshëritë ndaj makinës së prokurorit Ndoj ai tha se ka qenë jashtë shtetit kur ka ndodhur ngjarja dhe nuk ka lidhje me të.
“Nuk e di se sot erdha, kam qenë vizitë në Turqi se jam keq nga mushkëritë, flas me avokatin i thashë pse më kërkojnë dhe foli avokati me shefin e komisariatit dhe drejtorin dhe ata i thanë nga ne nuk ka gjë. I pyeti pse i keni vajtur kontroll. Unë s’jam as i kërkuar, nuk di pse më lidhin me ngjarjen, sa erdha në shtëpi nga Turqia në Kosovë nga Kosova në shtëpi”.
Sula thekson se në ditën që ka ndodhur atentati ishte në Kosovë duke ikur për në Turqi.
“Në datë 1 kam qenë në Kosovë duke ikur për në Turqi. Nuk di pse mi kanë bërë këto gjëra”.
Ai mohon të ketë njohje me Redjan Rrajën, prokurorin Ndoj apo Pëllumb Muharremin.
“Nuk e njoh Redjan Rrajën. Nuk e njoh prokurorin Ndoj. Hera e parë që e dëgjoj .Jo fare as Pëllumb Muharremin”.
Julian Sula shprehu gatishmërinë për t’u paraqitur në polici që nesër në mëngjes, pasi kjo situatë po shqetëson familjen e tij dhe sidomos vajzën.
Kush është Julian Sula?
Në pranverën e vitit 2010 Julian Sula me shokë kanë grabitur nën kërcënimin e pistoletës makinën e një shtetas në rrugën Fier-Lushnje. Së bashku me dy të tjerë, Sula i ka drejtuar armën pronarit të makinës duke i kërkuar që të ndiqnin udhëzimet e tyre. Ata kanë ecur disa kilometra duke e zbritur pronarin e mjetit për të vazhduar pastaj vetë me fuoristradën.
Ndërkohë, në qershorin e vitit të shkuar, Sula është goditur 10 herë me thikë në një lokal bastesh nga Arjan Aliço, i njohur si person i afërt me bandën e Aldo Bares .
Gjithashtu emri i tij është përmendur edhe në masakrën e Lushnjës një vit më parë ku mbetën dy të vrarë, Jurgen Hoxha dhe Zamir Latifi (në foto) dhe dy të plagosur. Dyshohet se personi i tretë që ishte në makinë me Laert Haxhiun dhe Orges Bilbilin ka qenë pikërisht Julian Sula.
Sula u godit me thikë nga Aliço pas sherrit me djalin e këtij të fundit gjatë ndeshjes, Shqipëri-Zvicër në një lokal bastesh. Ai mbeti i plagosur rëndë duke u sjellë me urgjencë në spitalin e Traumës në Tiranës në gjendje kritike për jetën.
Pas ngjarjes Sula u vetëdorëzua në polici dhe më pas u la i lire./abcnews.al
nev ila12:40 | 08/11/2019
Avokati i Redjan Rrajës, Besnik Çerekja ka ankimuar në Gjykatën e Apelit për Krime të Rënda vendimin e masës së sigurisë “arrest me burg” të dhënë nga Gjykata e shkallës së parë për klientin e tij.
Sipas gazetares së ABC News Glidona Daci, Redjan Rraja përmes avokatit të tij, ka kërkuar ndryshimin e masës së sigurisë “arrest në burg”, pasi pretendon pafajësinë.
Rraja është i vetmi i arrestuar , si i dyshuar për atentatin ndaj Arjan Ndojt dhe dy miqve të tij./abcnews.al
ent ela22:42 | 06/11/2019
Nga studio e Byro Politike gazetari Artan Hoxha i bëri apel kryeministri Rama që para se të miratojë ligjin special për grupin KÇK (kap ç’të kapësh), duhet të merret me administratën dhe të forcojë hallkat ligjzbatuese, që sipas tij kanë dalë nga binarët.
“Rama para se të bëjë ligjin special ai të merret me administratën, që t’i qëndrojë ligjit. Duhet të forcojë hallkat që kanë lëvizur nga binarët dhe t’u ofrojë agjencive të zbatimit të ligjit fondet e duhura dhe njerëzit e duhur se t’i s’mund të luftosh krimin me policë që marrin 400-550 mijë lekë kur krimi 10 mijë euro i kanë hedhur në rrugë e i ka djegur”.
Për Hoxhën krimi nuk kërcënon prokurorët e ndershëm që kanë zbatuar ligjin, duke sjellë në vëmendje ata prokurorë që ecin lirshëm në rrugë, me biçikletë dhe pa shoqërues. Prokuroria, sipas Hoxhës është shtylla që mban shtetin.
“Pse nuk kërcënojnë ata prokurorët e ndershëm? Pse nuk janë vrarë ata prokurorë, as shoqërues nuk kanë, madje ecin me biçikletë ? Pse? Sepse kanë zbatuar ligjin.
Prokuroria është shtyllë që mban shtetin. Ai përfaqëson republikën e Shqipërisë. Është një ngjarje që duhet të na shkundë”. /abcnews.al
ent ela20:25 | 05/11/2019
Ngjarje të paralajmëruar e ka konsideruar numri dy i Partisë Demokratike Edi Paloka, atentatin ndaj makinës së prokurorit Ndoj. Sipas tij kjo është një luftë mes bandave të Rilindjes.
“Të gjitha këto janë ngjarje të paralajmëruara dhe kemi denoncimet dhe kërcënimet e kryeministrit ndaj këtij prokurori, pastaj ndodh atentati. Rezulton që në makinë ishin persona me precedentë. Kryeministri di që një prokuror është i lidhur me bandën dhe në vend që t’i kërkojë policisë ta arrestojë, e denoncoi vetëm kur u kap drejtori i Kadastrës. Kjo është luftë mes bandash të Rilindjes. Atij që iu bë atentat dhe ai që bëri atenat janë dy grupe bandash që kanë bërë votat për Edi Ramën. Për këtë arsye Rama nuk e denonconte dot më parë, sot bandat i kanë dalë jashtë kontrollit Ramës. E ka ndarë Shqipërinë te këto grupe dhe ata nuk janë ngopur. Dhe sot ka arritur puna që kanë filluar përplasjet”.
Për Palokën, Rama është përgjegjësi i vetëm i situatës kriminale në vend, pasi erdhi në pushtet me bandat dhe ato tashmë kërkojnë shpërblim me pronat. Sipas tij kur pronat mbarojnë, fillon lufta mes bandave dhe në këtë rast Rama e dorëzoi një bandë për një tjetër.
“Kryeministri është përgjegjësi kryesor, bandat e oligarkët sollën Ramën në pushtet, edhe viktima dhe agresori janë ata që sollën Ramën në pushtet i japin Ramës votat dhe si shpërblim duan këto dhe kur pronat mbarojnë atëherë fillon lufta me bandave dhe ndodh ajo që ndodh. Dhe kryeministri në këtë rast dorëzoi një bandë për një bandë tjetër”.
Është gabim thotë Paloka që krahasohet Shqipëria me Kolumbinë, pasi në Kolumbi shteti luftoi kundër mafies, kursë këtu mafia është vetë shteti. /abcnews.al
ent ela17:03 | 05/11/2019
Pas arrestimit të një prej autorëve të dyshuar të atentatit ndaj makinës së prokurorit Ndoj, gazetari i ABC News Andi Qosja kan zbuluar detaje nga hetimet. Në studion e Juli Xhokaxhi, Qosja shpjegon se për Redjan Rrahjan janë gjetur gjurmë në makinë, ndërsa arrestimi i tij u krye teksa ai përpiqej për t’u larguar jashtë vendit.
“Sipas ekspertëve për Redjan Rrahjan janë gjetur gjurmë në pjesën e pasme të sedijes së makinës dhe në maskë, ka dyshime që në mjet është gjetur dhe një pistoletë, por është e paqartë nëse arma ëhstë përdorur në krim apo jo. Ky person ka tentuar të largohet jashtë Shqipërisë dhe duhej një ndërhyrje emergjente. Në këtë mënyrë e kanë parë të arsyeshme që ky person mos largohet dhe të jetë pjesë e hetimit. Janë edhe persona të tjerë janë edhe 4 persona të tjerë, se në atentat kanë qene 5 persona që kanë pasur role specifike dy kanë qenë ekzekutorë”.
Gazetari thekson se grupi hetimor u ndihmua edhe nga shoferi pas makinës së prokurorit, që është pikësrisht shoferi i Aleksandër Lahos.
“Kanë qenë dy automjete një ka ndërhyrë që t’i ulë shpejtësinë. Grupi hetimor është ndihmuar edhe nga shoferi pas makinës së prokurorit. Dëshmia e tij është administruar nga prokuroria e krimeve të rënda. Ky drejtues mjeti është marrë në pyetje dhe është shofer i Aleksandër Lahos”.
Sipas gazetarit autorët dyshohen si vrasës me pagesë, dhe provat që kanë lënë sipas tij janë një thesar për hetimet, edhe pse nuk dihet pse ata nuk kanë mundur të djegin makinën dhe të fshehin gjurmët.
“Autorët dyshohen si vrasës me pagesë, ata kanë lënë një thesar, nuk kanë mundur ndoshta autorët nuk kanë dashur të djegin automjetin për të ms tërhequr vëmendjen e banorëve, sepse makina u gjet pas 5 orësh. Ka filluar edhe analizimi i fijeve të flokut dhe gjurmë kapilare dhe në bidonin me benzinë që do përdorej. Mbetet për t’u parë pse autorët nuk e kanë djegur makinën. Nuk përjashtohet asnjë mundësi që ky grup kriminal të jetë paguar nga një grup tjetër”.
Qosja thekson se tablonë e qartë të ngjarjes e di prokurori Ndoj, por ai ka pohuar q ënuk ka qenë target i këtij atentati. ndërkaq policia ka sekuestruar mbi 70 kamera sigurie.
“Vlen për t’u përmendur se Ndoj mund ta ketë më të qartë tablonë e ngjarjes, por ai ka pohuar që nuk e dinte dhe nuk ka qenë ai target i këtij atentati, por mbetet për t’u verifikuar numri i lartë i dosjeve që prokurori Ndoj ka gjykuar dhe hetuar për tokat në Gjirin e Lalzit.
Janë sekuestruar mbi 70 kamera sigurie ku autorët kanë lëvizur. Ekspertët e kriminalistës kanë arritur të bëjnë lidhje shkencore”.
Ndërkaq sipas burimeve të ABC news, nga kontrollet që janë bërë në 15 banesa dyshohet se janë gjetur dosje ose shkresa të cilat kanë rezultuar të vjedhura në prokurorinë e Durrësit një vit më parë. /abcnews.al
nev ila12:58 | 05/11/2019
Kryeministri Edi Rama ka reaguar në lidhje me zbardhjen e ngjarjes së atentatit ndaj prokurorit Arjan Ndoji. Sipas Kryeministrit, brenda muajit do të bëhet ligji special kundër personave të inkriminuar, gjithashtu do të merren, sipas tij, masa speciale edhe kundër KÇK, duke nënkuptuar këtu prokurorët dhe gjyqtarët e korruptuar.
“Përshëndes me respekt punën e shkëlqyer të Policisë së Shtetit për zbardhjen e ngjarjes kriminale, ku u implikua edhe prokurori i Durrësit
Brenda muajit Ligji Special kundër personave të dënuar, akuzuar a hetuar brenda/jashtë vendit për krim të organizuar apo krime të rënda..
dhe masat speciale kundër KÇK-s
Do t’i nxjerrim “ujë të zi” foleve të krimit të organizuar dhe do të reagojmë frontalisht ndaj gjykatësve e prokurorëve të inkriminuar, që duan “të kapin ç’të kapin”, deri ditën kur kanë radhën e spastrimit nga Vetingu”, shkruan Rama./abcnews.al
nev ila11:11 | 05/11/2019
Redian Rraja është arrestuar, si i dyshuar nga policia, për atentatin e prokurorit Arjan Ndoj.
Gazetarja Glidona Daci bën me dije për Abcnews se policia ka dyshime të forta se Rraja është i përfshirë në atentatin e prokurorit Ndoj, pasditen e së premtes te “Mbikalimi i Shkozetit”.
Rrahja është arrestuar teksa po tentonte të largohej nga Shqipëria. Ky i fundit është nip i deputetit të PS, Rrahman Rraja.
Kujtojmë se Redian Rrahja ka qenë i përfshirë në ngjarjen e Xhisiela Malokut, për të cilën akuzohet edhe djali i deputetit socialist.
Asokohe Maloku denoncoi në polici ish të dashurin e saj, Ramazan Rraja djalin e deputetit me akuzën se e ka dhunuar.
Redian dhe Ramazan Rraja asokohe kërcënuar efektivin e Komisariatit të Fushë-Krujës, Emiljano Nuhu se duhet të ndalte hetimet për familjen e tyre, pas denoncimit të Malokut./abcnews.al
ent ela20:26 | 04/11/2019
“Nuk mund të themi që ky është prokurori më i mirë. Ky nuk është Falkone shqiptar, por unë do ta lidhja këtë histori me pronat”. Kështu u shpreh gazetari ABC Story Ferdinand Dervishi ka folur në studion e “Mbrëmjen në ABC News” të Mirela Milorit, në lidhje me atentatin ndaj makinës së prokurorit Arjan Ndoj. Sipas tij kjo ngjarje ka lidhje me mafien e pronave në Shqipëri dhe tjetërsimin e tyre.
“Unë do ta quaja mafia e pronave në Shqipëri, ose grupime kriminale që merren me tjetërsime pronash. Duke parë se me kë ishte prokurori në makinë mund të bëhet një lidhje e tillë.
Jemi në shpërthim të disa konflikteve që kanë të bëjnë me mafien e pronave që kanë gjeneruar miliona euro, shkojnë deri atje sa i vënë pistoletën në kokë kryeregjistruesit. Jemi në një moment që këta njerëz janë bërë shumë të pushtetshëm, të pasur dhe po krijohen konflikte të këtyre me shtetin”. /abcnews.al
Autor E17:00 | 04/11/2019
Laboratori Policisë Shkencore pohon se, ka përputhje të lartë ndërmjet gëzhojave të gjetura në atentatin e tipit mafioz në drejtim të prokurorit të Durrësit Arjan Ndoj dhe armëve të sekuestruara në një automjet në Ishëm.
Ndërkohë janë shoqeruar në drejtorinë e policisë së Tiranës dy persona me origjinë nga Fushë Kruja por, ende nuk dihet roli i tyre në atë ngjarje kriminale ku mbetën të plagosur tre persona.
Armët e zjarrit të sekuestruara në automjetin e braktisur në Ishëm pas atentatit të së premtes në Durrës ku udhëtonte Prokurori Arjan Ndoj dhe dy miqte e tij, sipas Laboratori të Policisë Shkencore kanë ngjashmëri më gëzhojat e gjetura në vendngjaje.
Burime nga grupi hetimor pohuan për “ABC News” se, – nga kryerja paraprake ka rezultuar një përputhshmëri e lartë, pasi gëzhojat e gjetura në vendngjarje janë qëlluar nga armët tip Kallashnikovë të lëna në mjetin e braktisur në Shkafanë të Ishmit.
Ekspertët e balistikës në Policinë e Shtetit do të bëjnë edhe në një krahasim të dytë për të hequr çdo dyshim mbi përputhshmërinë e gjilpërës së automatikut Kallashnikovw model 56 dhe shenjës së lënë në kapsollen e gëzhojeve të gjetura te mbikalimi i Shkozetit.
Në atentatin e tipit mafioz të së premtes ndaj prokurorit Arjan Ndoj, shoferit Andi Maloku dhe mikut të tyre Aleksandër Laho, i njohur ndryshe si Pëllumb Muharremi apo me pseudonim “Rrumi” dyshohet se u qëllua nga dy armë të ndryshme.
Policia ka shoqëruar për të marrë në pyetje një numër të lartë personash, ku dy prej tyre janë dërguar në Drejtorinë e policisë së Tiranës.
Automjeti që autorët u larguan në drejtim të Ishmit, tip Mercedes Benz me targa AA 342 LM ishte vjedhur në Tiranë dy javë më parë.
Në të njëjtin mjet gjithashtu u gjetën edhe prova të tjera, si maska, fije floku dhe gjurmë papilare të lënë te një bidon plastike me benzinë.
Për të bërë të mundur identifikimin e personave nëpërmjet analizave të AND-së, Laboratori i Policisë Shkencore do të kërkojë të krahasojë nëpërmjet Interpolit, profilit gjenetik të përftuar pasi, autorët mund të rezultojnë të dënuar në vendet e Bashkimit Europian.
Të gjitha veprimet e zinxhirit komandues në Durrës po verifikohen nga Shërbimi për Çështjet e Brendshme dhe Ankesave pasi zona monitorohet me patrulla të lëvizshme policore gjatë 24 orëve.
Pikëpyetjet e grupit hetior janë të shumta pasi, nga koha kur ndodhi atentati rreth orës 16:25, policia mbërriti rreth 20 minuta më vonesë. /abcnews.al
ent ela15:50 | 02/11/2019
Prokurori Arjan Ndoj së bashku me Pëllumb Muharremin vijojnë të qëndrojnë në Spitalin e Durrësit jashtë rrezikut për jetën. Prokurori nuk ka pësuar dëmtime, ndërsa Muharremi për shkak të plumbit në nofull, nuk mund të flas duke rrezikuar një dëmtim të përhershëm. Ndërkohë, edhe Andi Maloku, që drejtonte mjetin ku derdh breshëria e armëve ndodhet nën kujdesin e mjekëve në Spitalin e Traumës, në gjendje të rëndë shëndetësore.
Jashtë rrezikut për jetën dhe me një frakturë në shpatull. Kështu e përshkruajnë mjekët e spitalit rajonal të Durrësit gjendjen shëndetësore të prokurorit Arjan Ndoj. Dy plumbat e kanë prekur shkarazi të cilat nuk i kanë shkaktuar dëmtime serioze.
Pasi iu nënshtrua një ndërhyrje kirurgjikale, Ndoj ka lënë reanimacionin dhe ka kaluar në pavijonin e ortopedisë. Këtë të shtunë ai është vizituar nga familjarët dhe kolegë të tij.
E ndryshme paraqitet situata shëndetësore e Aleksandër Lahos që ka dhe një identitet tjetër Pëllumb Muharremit ose i njohur ndryshe me pseudonimin “Rrumi”. Ai i është nënshtruar një ndërhyrjeje në nofull gjë që nuk e lejon dot që të komunikojë.
Të dy të plagosurit janë nën kujdesin e mjekëve të Durrësit dhe në ruajtje nga efektivë të policë së shtetit.
Në spitalin e Traumës vazhdon të jetë nën mbikqyrjen e bluzave të bardha Andi Maloku, drejtuesi i mjetit. Ai ka marrë një plumb në mushkërinë e majtë pa i dëmtuar zemrën dhe një tjetër në shtyllën kurrizore. Për mjekët parametrat e tij jetësore janë normal megjithatë u duhet më shumë kohë për të dhënë një vlerësim përfundimtar mbi shëndetin e Andi Malokut.
Së bashku me Prokurorin Arjan Ndoj dhe Aleksandër Lahon që njihet ndryshe si Pëllumb Muharrremi ose me pseudonimin “Rrumi”, mbetën të plagosur pasditen e së premtes nga persona ende të paidentifikuar që sulmuan makinën e prokurorit me armë në autostradën Durrës-Tiranë pranë mbikalimit të Shkozetit. /abcnews.al
