OSHEE

elektricisti.jpg
Autor E12:00 | 31/10/2019

Një 40 vjeçar ka humbur jetën pasi është rrëzuar nga një kabinë elektrike në qytetin e Pogradecit.

Dyshohet se shtetasi me iniciale P.M, banues në Tiranë, është rrëzuar aksidentalisht nga kabina.

Mësohet se viktima ka ndërruar jetë menjëherë, ndërsa burime bëjnë me dije se në momentin e rrëzimit 40 vjeçari ka qënë duke punuar.

Ndërkohë policia po punon për zbardhjen e shkaqeve të vdekjes së 40 vjeçarit.

Njoftimi zyrtar

Më datë 31.10.2019, në lagjen nr.5, Pogradec, shtetasi P.M, rreth 40 vjeç, banues në Tiranë, dyshohet se aksidentalisht është rrëzuar nga një kabinë elekrike, ku ka qenë duke punuar dhe për pasojë ka gjetur vdekjen.

Grupi hetimor po punon për zbardhjen e rrethanave të ngjarjes.

belinda-ballukuuu.jpg
ad min15:55 | 22/09/2019

Ministrja e Infrastrukturës ka kërkuar gjatë mbledhjes së Shtabit të Emergjencave në Vorë që të verifikohen të gjitha dëmet e shkaktuara në rreth 120 banesa. Balluku urdhëroi OSHE-në që të bëjë të mundur furnizimin 24 orë me energji elektrike.

Ministrja e Infrastrukturës dhe Energjitikës Belinda Balluku mori pjesë në mbledhjen e shtabit të emergjencave civile në Vorë, ku kërkoi që brenda 48 orësh të bëhet bilanci i dëmeve që kanë shkaktuar tërmetet. Balluku u kërkoi të pranishmëve që të nisin  menjëherë punën për rikuperimin e banesave të dëmtuara.

“Ne kemi 12 banesa deri në 14 dhe kemi pasur edhe një shtesë të fundit 15 që konsiderohen të pabanueshme. Ndërkohë që kemi 100 banesa të tjera me dëmtime. Vora është zona më e goditur se flasim për 120 shtëpi të dëmtuara. Nesër në darkë do ishte mirë që çdo akt konstatim të ishte në tryezën tonë për të vazhduar më pas se si do rikuperojmë më pas të gjitha dëmet”, tha Balluku.

Balluku kërkoi nga Operatori i Shpërndarjes së Energjisë që të rikuperohen të gjitha dëmet dhe të sigurohet energji pa ndërprerje për të gjithë qytetaret.

“Synimi kryesor është që të ofrojmë ujë dhe energji, t’i garantojmë në mënyrë të pandërprerë për të gjithë banorët”, tha Balluku.

Në fund të mbledhjes, ministrja kërkoi që të punohet me intensitet dhe të mbahen nën vëzhgim edhe 3 urat kryesore në Vorë për të shmangur çdo lloj rreziku./ABC News Albania 24/7

reshjet-ne-fier.jpg
ad min17:39 | 19/09/2019

Një stuhi që zgjati vetëm 30 minuta shkaktoi ndërprerjen e energjisë për disa fshatra dhe rrëzoi disa pemë në rrugët kryesore në Fier. Gjithashtu, si pasojë e motit të keq u shkaktuan edhe dëme të shumta materiale.

Ekipet e OSHEE-së po punojnë për riparimin e kabllove të dëmtuar të energjisë elektrike. Stuhia me erë të fortë dhe reshje shiu përshkoi qytetin në mesditë dhe më pas të gjithë rajonin e Fierit deri në zonat bregdetare. /ABC News Albania 24/7

belinda-balluku-1-1280x720.jpg
ad min13:31 | 14/09/2019

Projekti pilot për instalimin e matësve inteligjentë ka nisur të zbatohet edhe në zonën Kashar-Vorë. Sipas ministres Belinda Balluku këta matës bëjnë të mundur përmirësimin e procesit të faturim-arkëtimit si dhe rrit transparencën ndaj klientit për konsumit ditor dhe mujor të energjisë elektrike.

I quajnë matësa inteligjentë të energjisë elektrike dhe kanë për qëllim që t’i japin fund abuzimeve që vijnë faturuesit e abonentëve. Se si ndodh kjo e shpjegon ministrja e infrastrukturës dhe energjisë Belinda Balluku.

“Ky është një sistem i cili nuk lë asnjë rrugë për abuzime, qoftë nga abonenti por qoftë edhe nga punonjësit e OSHEE-së. Tashmë faturat printohen direkt sipas të dhënave që ky sistem nxjerr. Për më tepër sistemi i matësve inteligjentë ofron gjithashtu kontrollin e automatizuar për të gjitha problemet gjatë shkëputjes së energjisë elektrike apo rilidhjes së saj nga qendra”.

Matësit inteligjentë bëjnë të mundur gjithashtu matjen e energjisë elektrike në çdo moment duke i dhënë mundësi kështu Operatorit të Shpërndarjes për një menaxhim më të mirë gjatë periudhave të ngarkesave në rrjet.

“Projekti i Durrësit dhe projekti i Kashar-Vorës, janë dy projektet e para pilot për të vijuar më tej dhe në bashkëpunim me Bankën Botërore për ta aplikuar në të gjithë territorin e Republikës së Shqipërisë matësit inteligjentë të cilët kanë të gjitha këto veti të dobishme si për abonentin ashtu dhe për sistemin e shpërndarjes”.

Aktualisht janë në fund të procesit të instalimit 3527 matësa inteligjent, ku mes tyre përfshihen 1000 subjekte private dhe rreth 20 shtetërore në zonën Kashar-Vorë. Ky model matësi i energjisë bën të mundur edhe matjen me 2 kahe, çka krijon hapësirat e nevojshme për përdoruesit që dëshirojnë të instalojnë impiante fotovoltaikë për vetëkonsum./ABC News Albania 24/7

belinda-balluku123.jpg
ad min15:35 | 30/07/2019

Është sistemuar furnizimi me energji në fshatin e Kaninës në Vlorë. Gjatë inspektimit të këtij investimi Ministrja e Infrastrukturës dhe Energjisë Belinda Balluku ka nënvizuar mbështetjen që po i jepet fshatrave me potencial turistik.

Më shumë vëmendje ka marrë Fshati i Kaninës pas përfshirjen në paketën “100 Fshatra”. Ministra e Infrastrukturës dhe Energjisë Belinda Balluku inspektoi investimin që jo vetëm i siguron furnizim të rregullt me energji elektrike por mbështet edhe sektorin e turizmit në këtë zonë.

“Qyteti i Vlorës ka një kohë turizmi, e cila pak a shumë zgjat nga Prilli deri në Tetor, kështu që ndryshon dhe kërkesa e konsumatorit. Pra rritet në mënyrë të ndjeshme në këto gjashtë muaj. Absolutisht ne po bëjmë të gjitha përpjekjet në të gjitha vendet turistike për të ofruar të njëjtin shërbim si gjatë dimrit ashtu dhe gjatë verës, pavarësisht se kapacitetet rriten shpesh herë edhe më shumë se dyfishi”.

Investimi i OSHEE-së dhe bankës Botërore ka kushtuar 145 milionë lekë,që do tu shërbejë 400 abonentëve, familjarëve dhe bizneseve. Zona e Kaninës furnizohej me rrjet 6kV, ndërtuar 40 vjet më parë, tejet i amortizuar dhe jashtë kushteve teknike.

Banorët merrnin energji elektrike me cilësi të dobët përmes kabinave të vendosura në shtylla me mjete rrethanore dhe përbënin rrezik për abonentët./ABC News Albania 24/7

BALLUKU-PER-ENERGJINE.mpg_snapshot_00.04-1280x720.jpg
ent ela11:32 | 07/05/2019

Një miliard lekë është investimi që ka nisur Operatori i Shpërndarjes së Energjisë Elektrike në Tiranë. Sipas ministres së infrastrukturës dhe energjisë Belinda Balluku, në kryeqytet jo vetëm do të rritet cilësia e furnizmit me energji elektrike por do të ulen edhe humbjet në rrjet.

Po ndërhyet në kabinat që janë ndërtuar kryesisht gjatë viteve ’90. Investimi 1 miliardë lekë parashikon të përmirësojë furnizmin me energji për banorët e Tiranës por edhe fshatrat përreth.

Drejtori i OSHEE-së Tiranë, Klevis Jahaj:  “Ky investim kap vlerën e 1.1 miliardë lekëve dhe përfshirën rreth 250 mijë abonentë të OSHEE-së të cilët do të përfitojnë nga ky investim dhe normalisht do të ndikojë qoftë në cilësinë e furnizimit me energji elektrike por gjithashtu dhe në tregues të tjerë, atyre të humbjeve. Gjithashtu 10 fiderët e rinj të cilët po shtohen nga nënstacioni i Selitës dhe ai i Traktorit do të bëjnë që të normalizojë mbingarkesën që kanë fidrat aktual në momentet e pikut”.

Ministrja e Infrastrukturës dhe Energjisë, Belinda Balluku: “Kërkesa për energji në Tiranë arrijnë në 37 përqind të kërkesës kombëtare. Sigurisht i gjithë investimi që OSHEE ka bërë deri më sot ndikon ndjeshëm jo vetëm në uljen e humbjeve në rrjet për Tiranën, nga 35% që ka qenë në vitin 2014, sot është 16.8%, pra katër-mujori i parë i 2019-ës është vërtetë diçka për t’u shënuar, por nga ana tjetër sigurisht duke qenë se është më shumë se 1/3 e tregut të kërkesës së energjisë elektrike, investimet që kryhen në rrjetin e Tiranës janë investime që ndikojnë direkt në performancën e OSHEE-së dhe të gjithë sektorit energjetik”.

Përmes rikonstruksionit të kabinave synohet vendosja e pajisjeve bashkëkohore, duke zëvendësuar teknologjinë e vjetër. ¼ e kabinave të reja do të përshtaten me teknologjinë (telekomandim në distancë, monitorim online dhe transmetim të dhënash). Këto kategori kabinash rrisin sigurinë dhe shpejtësinë e manovrimeve në rast defektesh ose mbingarkesë në rrjet. Brenda muajit qershor investimet do të nisin edhe në zonat rurale të Tiranës. / ABC News Albania 24/7

lezhe-1-1280x708.jpg
ad min14:45 | 24/02/2019

Në Lezhë disa pemë rrezikojnë seriozisht jetën e banorëve. Ndërhyrja për prerjen e tyre nga ana e bashkisë është e pamundur, pasi në këto pemë ndodhet rrjeti i shpërndarjes së energjisë elektrike.

Era e fortë rrëzoi një pemë të shtunën në dalje të Lezhës përgjatë superstradës në drejtim të Tiranës. E gjitha u mbyll vetëm me ngadalësimin e lëvizjes se mjeteve. Por solli në vëmendje problematikën e vazhdueshme në të njëjtën zonë. Atë të frikës së rënies së të tjera pemëve akoma më të mëdha.

Ndërhyrja për prerjen e tyre është e pamundur pasi në këto pemë ndodhet rrjeti i shpërndarjes së energjisë elektrike. Drejtori i Shërbimeve në Bashkinë Lezhë, Ndue Lushi, ka thënë për mediat se vazhdimisht i është bërë kërkesë zyrtare OSHEE, por pa marrë përgjigje pozitive. Sipas tij duhet ndërhyrje e menjëhershme që të shmanget rreziku i jetës për kalimtarët dhe drejtuesit e mjeteve.

Ndue Lushi: Kabullat e sistemit të shpërndarjes së energjisë elektrike janë vendosur mbi pemë, dhe kanë penguar bashkinë për të ndërhyrë për të hequr këto plepa. Është e disata herë dhe me shkresa zyrtare që i jemi drejtuar filialit të i jemi drejtuar filialit të OSHEE Lezhë për sistemimin e këtyre kabullave të energjisë elektrike.

Prej 1 viti, bashkia e Lezhës i ka kërkuar OSHEE të mundësojë sistemimin e kabllove elektrike që ndodhen të vendosura mbi këto pemë. Kjo i jep mundësi shërbimeve për prerjen e tyre dhe largimin e rrezikut.

Nga ana e saj, OSHEE është përgjigjur se po merret me këtë çështje që kërkon jo vetëm largimin e rrjetit, por investim për vendosjen e tij në të tjera dimensione./abcnews.al

OSHE-KORCE-1280x720.jpg
ent ela15:11 | 30/12/2018

Operatori i Shpërndarjes së Energjisë elektrike ka instaluar në Korçë nënstacionin lëvizës. Veç kësaj në n/stacionin Korçë u vendos edhe një transformator për të siguruar furnizimin me energji elektrike jo vetëm për qytetin e Korçës, por për të gjithë rajonin. Operacioni është kryer gjatë natës nga Drejtoria e Tensionit të Larte  pranë OSHEE . Kjo vjen si masë mbrojtëse pas dëmtimit të transformatorit disa ditë më parë i cili la në errësirë qytetin e Korçës. Për mbarëvajtjen e rrjetit elektrik kompania ka shtuar përforcime në terren duke stacionuar në pika kyçe rreth 1500 punonjës në gatishmëri të plotë. /abcnews.al

fierza.jpg
ad min22:30 | 25/12/2018

Moti i thatë dhe me reshje të pakta ka ulur ndjeshëm nivelin në kaskadën e Drinit. Niveli i ujit në hidrocentralin e Fierzës ka arritur në 267 metra, 22 metra më poshtë se në fillim të vitit dhe afro 30 metra më pak se kuota më e lartë që regjistroi Fierza në muajin Maj.

Prodhimi mesatar i energjisë elektrike arrin në 12 mijë megavat orë në ditë. OSHEE ka nisur importin për mbulimin e nevojave të konsumatorëve me energji elektrike. Në fillim të Dhjetorit kompania e shpërndarjes finalizoi një procedurë blerje e cila i kushtoi 12.7 milion Euro, ndërsa ka zhvilluar një tjetër tender për blerjen e 81 mijë megavat orë energji.

Moti i keq jo vetëm që ka prekur sektorin e prodhimit të energjisë, por disa zona në vend kanë patur ndërprerje të energjisë elektrike. Më i prekuri është rajoni Korçës, ku pati një djegie të transformatorit në nënstacionin  e këtij qyteti dhe disa zona mbetën pa energji elektrike. OSHEE njofton se energjia është rikthyer në disa fshatra, dhe po punohet për vendosjen e një transformatori të ri brenda të mërkurës. Ndërprerje të energjisë ka patur edhe në rajonin e Burrelit, Kukësit dhe Shkodrës, por koha e riparimit të këtyre defekteve ka qenë më e shkurtër.

Tv Klan

moti-i-keq.jpg
ad min22:26 | 25/12/2018

Moti i keq me reshje debore dhe stuhi ere ka shkaktuar problematika me furnizimin me energji elektrike në disa zona të vendit si në Korçë, Burrel, Kukës, Lezhë dhe Shkodër. OSHEE njofton se ka angazhuar në terren rreth 1500 punonjës për të shmangur avaritë dhe për të garantuar furnizimin me energji gjatë festave.

Moti i keq gjatë 24 orëve të fundit me reshje bore dhe stuhi ere në zonat verilindore ka shkaktuar problematika në rrjetin e shpërndarjes së energjisë elektrike në disa zona të vendit. Sipas OSHEE gjatë orëve të fundit nënstacioni i Korçës pësoi avari duke sjellë mungesë të energjisë për disa zona të qytetit si dhe në zonat e Dardhës e Voskopojës, por pas ndërhyrjeve të brigadës së OSHEE situata u normalizua brenda 2 orësh.

Brigada e Tensionit të Lartë të OSHEE-së ka nisur drejt Korçës një transformator të ri, për ta vënë në punë dhe stabilizuar situatën brenda paradites së ditës së mërkurë. Po sipas OSHEE mësohet se moti i keq ka shkaktuar defekte edhe në zonat e Burrelit, Kukësit, Lezhës dhe Shkodrës. Defektet më të shumta janë shkaktuar në zonat rurale, ku nga raportimet e punonjësve në terren, mësohet se janë këputur përcjellësa, janë dëmtuar kabllo e shkarkuesa për shkak të motit të keq./abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono