messi

MEssi.jpg
Veronik Istrefaj09:31 | 10/01/2020

Ylli i Barcelonës, Lionel Messi, ka folur pas ndeshjes ndaj Atletico Madridit, duke mos u përmbajtur aspak. Gjashtë herë fituesi i “Topit të Artë” kritikoi shokët e tij për gabimet që bënë në 10 minutat e fundit, duke i quajtur gabime amatoreske. Mes të tjerash, ylli argjentinas tha:

“Është për të ardhur keq, luajtëm një ndeshje të shkëlqyer. Dukej se kishim gjithçka në kontroll, po dominonim dhe po sulmonim gjatë gjithë takimit. Bëmë dy gabime në fund dhe u ndëshkuam, Atletico bëri gjithçka në 10 minuta.

E humbëm këtë ndeshje për dy gabime të vogla dhe kjo është një humbje që djeg. Bëmë një ndeshje shumë të mirë, por për fat të keq, u eliminuam. Sot (dje) kemi bërë një hap përpara dhe po luajmë ashtu siç duam, por rezultati është i qartë dhe nuk mund t’i heqim asnjë meritë Atleticos. Ne shohim përpara dhe nuk duam të bëjmë atë gabime amatoreske sërish”, përfundoi ylli argjentinas.

Mbappe.jpg
Veronik Istrefaj21:02 | 24/12/2019

Lufta për “Këpucën e Artë” europiane sezonin e shkuar ishte e pabesueshme, pasi Messi dhe Mbappe shënonin javë pas jave dhe nuk ndaleshin nga asnjë rival.

Të dy sulmuesit shkuan deri në javën e fundit thuajse në balotazh total, por në fund, ishte “pleshti” argjentinas ai që e fitoi këtë trofe individual. Kur kanë kaluar disa muaj tashmë, Mbappe është rikthyer të flasë për këtë duel me Messin dhe për mediet franceze, tha: “Në vend që të prisja vetëm fundin e sezonit, unë përpiqesha të shënoja dhe të shënoja, në mënyrë që të arrija maksimumin e mundshëm.

Mendova që mund të isha golashënuesi më i mirë në Evropë, por isha përballë Messit. Unë shënoja dy gola në fundjavë, ai do të shënonte tre. Unë do të shënoja tre, ai do të shënonte katër! Ishte çmenduri!”, u shpreh Mbappe./abcnews.al

Van-Dijk-1.jpg
Veronik Istrefaj11:16 | 22/12/2019

Virgil Van Dijk është rikthyer pas në kohë dhe duket se nuk e ka harruar atë zhgënjim të “Topit të Artë”, të cilin e humbi vetëm prej 7 pikësh kundrejt Lionel Messit. Sot, gjiganti holandez i është rikthyer asaj mbrëmje në Paris, duke thënë se është ende i zhgënjyer dhe i mërzitur disi.

“Isha disi i mërzitur, më shumë i zhgënjyer. Gjithsesi, vendosa të shkoj në ceremoni dhe të qëndroj aty deri në fund. Ishte një natë perfekte, kaluam shumë mirë. Do ta konsideroj si një arritje të madhe që isha aty me ikonat më të mëdha të futbollit”, tha Van Dijk mes të tjerash.

Mbrojtësi holandez fitoi Champions League me Liverpool sezonin e shkuar, superkupën e Europës, si dhe u shpall kampion bote mbrëmë, pasi Liverpooli i tij fitoi Botërorin e Klubeve. Këtë sezon, Van Dijk është favoriti absolut për të fituar titullin kampion në Angli./abcnews.al

 

Barcelona-1.jpg
Veronik Istrefaj18:24 | 21/12/2019

Lojtarët e Barcelonës së vitit 2009 janë mbledhur sot në Camp Nou, para sfidës ndaj Alaves, të cilën katalanasit e fituan me rezultatin 4-1. Arsyeja? Sot u bë një dekadë që nga koha kur Barcelona fitonte 6 trofe në një vit kalendarik.

Barcelona e 2009-ës fitoi La Ligan, Kupën e Spanjës, Superkupën e Spanjës, Champions League, Superkupën e Europës dhe Botërorin e Klubeve. KAtalanasit kishin në përbërje disa nga emrat më të mëdhenj të historisë së futbollit.

Disa nga yjet që u mblodhën sot në Camp Nou para fillimit të takimin, ishin Puyol, Keita, Pinto, Abidal, Pique, Messi dhe Busquets. Vetëm tre futbollistë kanë ngelur te Barcelona që ishin pjesë e asaj skuadre të sezonit 2008-09. Messi, Pique dhe Busquets vazhdojnë të jenë pjesë e katalanasve edhe pas plot 1 dekade, madje të tre futbollistët luajtën titullarë sot./abcnews.al

Maradona.jpg
Vladimir Prenga23:27 | 20/12/2019

Diego Maradonës Zoti i fali talent në këmbë dhe shumë çmenduri në kokë. Legjenda argjentinase mbetet prej vitesh një personazh karizmatik. 59-vjeçari vjen me një rrëfim interesant për Tyc Sports, aty ku tregon shumë histori, mbi të gjitha ajo e rrëmbimit nga UFO-t.

“Pse i shpikni gjërat? Njëherë, pasi kisha pirë shumë, u zhduka nga shtëpia për tre ditë radhazi. Kur u ktheva në shtëpi, u thashë që më kishin rrëmbyer UFO-t. ‘Ata më rrëmbyen, nuk arrij dot t’ua shpjegoj”, tha argjentinasi.

Për Maradonën nuk ka tabu, teksa tregon edhe se si e humbi virgjërinë: “E humba virgjërinë kur isha 13 vjeç. Ndodhi në një bodrum, me një zonjë të moshuar. Unë isha mbi të dhe ajo po lexonte një gazetë”.

Në fund zbulon diçka edhe për Lionel Messin, të cilin Maradona e ka pikë të dobët: “Unë jam shok i Messit. E pashë atë të qante në dushe kur u mundëm nga Gjermania me rezultatin 4-0, ndërkohë që shumë lojtarë të tjerë po kërkonin për biletat avioni për t’u larguar në shtëpi”. /abcnews.al

 

Messi-5.jpg
Veronik Istrefaj16:44 | 17/12/2019

Ylli i Barcelonës dhe fituesi i gjashtë “Topave të Artë”, Lionel Messi, ka folur para ndeshjes El Clasico kundër Realit, që do të luhet në Santiago Bernabeu mbrëmjen e së mërkurës.

Argjentinasi tha se në Bernabeu, Barcelona tregon më shumë, pasi skuadra Real Madrid mundohet të sulmojë sepse është në fushën e saj. Gjithashtu, Messi i thuri elozhe dhe kundërsulmit të “Los Blancos”, që sipas tij, është një armë shumë e rrezikshme.

“Kur luajmë në Bernabeu, ka shumë hapësira për ne. Ata mundohen të na sulmojnë, pasi luajnë në shtëpinë e tyre dhe kjo gjë krijon hapësira në mbrojtjen e Realit.

Në Camp Nou, ata luajnë ndryshe, duke u rreshtuar në mbrojtje dhe shumë pranë njëri-tjetrit. Gjithashtu, kanë një kundërsulm të frikshëm në Camp Nou, por në Bernabeu besoj se do të jetë ndeshje tjetër”, tha mes të tjerash ylli argjentinas./abcnews.al

Sergio-Ramos.jpg
Vladimir Prenga14:43 | 10/12/2019

Sergio Ramos, qendërmbrojtësi i Real Madrid, ka folur së fundmi për Ivan Zamorano për TUDN. Një nga temat e diskutimit ka qenë edhe “Topi i Artë” dhe spanjolli mendon se duhet bërë edhe një trofe për lojtarët e tjerë, veç Messit e Ronaldos që e kanë fituar thuajse çdo vit në dekadën e fundit.

“Mund të bëjnë një Top të Artë vetëm për Messin dhe Ronaldon. Pastaj një tjetër për pjesën tjetër të futbollistëve. Do të ishte më mirë për futbollin kështu”, shprehet Ramos, i cili ka vlerësuar holandezin e Juventus, Matthijs De Ligt.

“Ai është një mbrojtës me një të ardhme të madhe. I duhet eksperiencë, por ai është një lojtar për të ardhmen” ka shtuar spanjolli, i cili më tej ka treguar edhe ngjarjen më të rëndësishme të viteve të fundit për të. Bëhet fjalë për golin e shënuar në shtesë në finalen e Champions ndaj Atletico Madrid, në vitin 2014.

“Goli në Lisbonë është më domethënësi i viteve të fundit për mua personalisht dhe për Real Madrid. Ai ndryshoi historinë, pasi na ndihmoi të fitonim përsëri dhe të ngrinim tre trofe radhazi. Nuk mund të them cili Champions i fituar më pëlqen më shumë, sikurse nuk mund të thuash cilin nga fëmijët do më shumë. Është e njëjta situatë”, është shprehur Ramos. /abcnews.al

Messi-Suarez.jpg
Veronik Istrefaj17:58 | 08/12/2019

Dy sulmuesi e Barcelonës, Lionel Messi dhe Luis Suarez janë padiskutim dy nga futbollistët më të mirë në historinë e futbollit. Si “pleshti” argjentinas, ashtu dhe bomberi uruguaian, gjetën rrjetën në atë fitore 5-2 kundër Mallorca, me Messin që shënoi tripletë.

Megjithatë, golin më të bukur e shënoi Suarez, me thembër nga një pozicion i pabesueshëm. Nuk ka asnjë diskutim që dy sulmuesit katalanas kanë klas të lartë dhe këtë gjë e tregon qartë dhe një video e shpërndarë nga faqja zyrtare e Barcelonës në Tëitter.

Messi dhe Suarez pasqyrojnë të gjithë klasin e tyre me pasimet që i bëjnë njëri-tjetrit dhe në stopimet e topit. Fantastikë!/abcnews.al

Messi-2.jpg
Veronik Istrefaj23:43 | 07/12/2019

Lionel Messi vazhdon të thyejë rekorde në ccdo ndeshje që luan. Sot, ylli argjentinas shënoi tre gola në atë fitore 5-2 të Barcelonës ndaj Mallorca.

Një tjetër tripletë për “pleshtin” katalanas. Këto tre gola të shënuar, kanë bërë që Messi të thyejë rekordin e Cristiano Ronaldos.

Ylli portugez kishte realizuar 24 tripleta në La Liga me fanellën e Real Madrid, por me tre golat e sotëm, Lionel Messi arrin në kuotën e 25 tripletave në La Liga, duke parakaluar rivalin e tij të përjetshëm.

Duket se Messi nuk ka ndërmend të ndalet, edhe pse është në vitet e tij të fundit të karrierës./abcnews.al

Messi-3.jpg
Veronik Istrefaj22:18 | 07/12/2019

Lionel Messi është fantastik! Ylli argjentinas fitoi për herë të gjashtë në karrierën e tij “Topin e Artë” disa ditë më parë, ndërsa sot, zbriti në fushë për Barcelonën, në takimin kundër Mallorca.

“Pleshti” priti vetëm 17 minuta për të shënuar golin e tij të parë në këtë sfidë, një kryevepër. Sulmuesi argjentinas merr një pasim të thjeshtë nga Griezmann dhe nga një distancë shumë e largët, gjen trekëndëshin e largët me të majtën e tij magjike.

Portieri mik nuk kishte asnjë shans, pasi ai topi ndal vetëm në trekëndëshin e portës. Lionel Messi tregon dhe njëherë tjetër se pse ai e meritonte “Topin e Artë”./abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono