mergim mavraj

Mërgim Mavraj pritet të ketë një tjetër fazë të vështirë në karrierën e tij. Kapiteni i Kombëtares shqiptare, besohet se do të largohet nga Arisi i Selanikut në janar të vitit të ardhshëm.

Sakrifica ishte e madhe që arriti deri aty. Mërgim Mavraj në Superligën e Greqisë ishte një shpëtim i karrierës, me mbrojtësin që u largua nga Gjermania, por me të ardhmen që nuk është aspak e sigurt.

Kapiteni i Kombëtares Shqiptare, me shumë gjasë, do të jetë sërish në vështirësi të mëdha, pasi lajmet janë që ai mund të largohet nga Arisi i Selanikut.

Klubi grek është në krizë të thellë pas rezultateve të dobëta radhazi, dhe ndodhet në vendin e 7-të në kampionat, gati 20 pikë prapa rivalit të madh brenda qytetit, PAOK-ut të Selanikut.

Duket se ishte eleminimi nga Kupa e Greqisë, pas humbjes me Ergotelisin, që e bëri klubin selanikas që të merrte këtë vendim.

Lajmet janë që 8 futbollistë nuk do të jenë më pjesë e skuadrës, duke nisur nga janari i vitit të ardhshëm, mes të cilëve 5 grekë dhe 3 të huaj.

Burime në klub si dhe mediat bëjnë me dijë që me këta futbollistë kanë nisur bisedimet për zgjidhje me konsensus të kontratës, dhe mes tyre është edhe Mavraj.

Nuk besohet që rrezikon lojtari tjetër shqiptar i Arisit, mesfushori I kombëtares Migjen Basha.

Mavraj është 33 vjeç dhe duket se nuk do të jetë e lehtë që ta vazhdojë karrierën me klubin, por edhe me kombëtaren. /abcnews.al

Mërgim Mavraj mund të kishte luajtur me Kosovën. Kështu deklaron ish-trajneri i kombëtares kosovare, Albert Bunjaki, i cili thotë se mbrojtësi u pengua tri herë nga klubet gjermane.

Me Shqipërinë arriti kulmet, por mund të kishte ndodhur edhe ndryshe. Mërgim Mavraj mund të mos kishte luajtur me fanelën kuqezi, por me atë të Kosovës, dhe ai që e thotë është ish-trajneri kosovar, Albert Bunjaki. Në një intervistë për televizionin “T7”, Bunjaki zbulon se Mavraj pranoi tri herë të luante për Kosovën, në vitet 2007-2010, por u pengua nga klubi i Bohumit, me të cilin luante në atë kohë.

“Shumë gjëra nuk janë thënë, – u shpreh ai, – mund t’iu them se Mërgim Mavraj pranoi tri herë t’i bashkohej Kosovës, por nuk u lejua në të tre rastet që të vijë, nga ana e Bohumit”.

Bunjaki shpresoi ta kishte Mavraj gjithashtu në 2014, në ndeshjen ndaj Senegalit, madje pohoi se do ta kishte, por kjo nuk ndodhi. Vetë futbollisti pohon se në atë kohë Federata Shqiptare i kërkoi që të merrte pasaportën kuqezi, diçka që ai e pranoi, ndërsa shton se koha i dha të drejtë. Mbrojtësi i qendrës, sot 32-vjeçar, pati ëndërr që të luante për Gjermaninë, madje u aktivizua në kombëtaren gjermane U21.

Konkurrenca doli e fortë dhe ai e kuptoi se do të ishte e vështirë, pavarësisht se iu dha një premtim për ta veshur fanelën e madhe pas Botërorit 2010. Ishte Oto Bariç që e vëzhgoi i pari në vitet 2006-2007, në rolin e trajnerit të Shqipërisë, por u desh të kalonin 5 vjet derisa Mavraj të bindej përfundimisht.

Pasi refuzoi ekipin Shpresa, Mërgimi debutoi për kombëtaren në Maj 2012, në miqësoret ndaj Katarit dhe Iranit. Ndeshjen e parë zyrtare e luajti në 2 Shtator 2012, ndaj Qipros, në eleminatoret e Botërorit, ndërsa më pas sukseset ishin të mëdha.

Mavraj u bë një nga lojtarët kryesorë të Shqipërisë që u kualifikua për në Euro 2016, duke shënuar gola të rëndësishëm e duke qenë vendimtar në mbrojtje. Ai shënoi në miqësoren e luksit në Francë, në barazimin 1-1, dhe po ashtu në suksesin përcaktues për në Europian, ndaj Armenisë në “Elbasan Arena”./abcnews.al

DEKLARATAT-PAS-NDESHJES.mpg_snapshot_00.27-1280x720.jpg

Dëshpërim dhe dorëzim thuajse i plotë i trajnerit Panuçi dhe lojtarëve të kombëtares pas ndeshjes me Skocinë. Italiani, sidoqoftë, nuk ka ndërmend të japë dorëheqjen. Ky brez nuk ishte ndjerë ndonjëherë kështu.

Futbollistët e kombëtares e padyshim edhe Kristian Panuçi, ishin të dërrmuar në përfundim të ndeshjes së humbur 0-4 me Skocinë. Më shumë sesa vendi i fundit në grupin e Ligës së Kombeve dhe rënia nga kategoria, tronditja ishte nga dorëzimi i plotë i ekipit në fushë. Panuçi nuk e fshehu aspak, thjesht bëri një kronologji.

Kristian Panuçi, trajner i Kombëtares: “Ndeshja nuk ka filluar mirë, kundërshtari shënoi gol që në goditjen e parë, pastaj pësuam një karton të kuq dhe një gol në minutën e fundit të pjesës së parë, i cili demoralizoi skuadrën. Të gjithë kritikat duhet të jenë mbi mua jo tek lojtarët. Nuk ndihem aspak i tradhëtuar, lojtarët kanë ndjekur të gjitha skemat dhe udhëzimet e mia, por përgjegjësitë bien mbi mua.”

Mos është normale të jepet dorëheqje pas një katastrofe të tillë?

“Nuk mendoj se është koha që të jap dorëheqjen. Nëse presidenti Duka kërkon diçka të tillë do të ulemi dhe do të bisedojmë. Kjo është ndeshja më e keqe që kur së unë drejtoj Shqipërinë. Ndeshja e radhës do të ndryshojë. I gjithë faji është i imi.”

Kapiteni Mavraj e pati shumë të vështirë që të fliste, thuajse refuzoi.

Mergim Mavraj, kapiten i Kombëtares: “Kur ndodh një humbje mund të ndodhin shumë gjëra. Kështu që mund të bëhet analiza me një situatë përfundimtare. Ishin shumë situata që u shumuan dhe u bënë bashkë dhe u vendos ndeshja kështu. Aktualisht po i përjetojmë disa momente shumë të vështira, por duhet ti përgjigjemi edhe kësaj situatë, ashut siç kemi qenë bashkë edhe në momentet e mira e të suksesshme, ashtu duhet me qenë dhe në momentet e vështira bashkë, e të afrojmë njëri-tjetrin.”

E rëndë ishte humbja për një shkodran në Shkodër, si Bekim Balaj.

Bekim Balaj, futbollist i Kombëtares: “Një humbje që le shije të keqe tek të gjithë ne. Që nga fillimi s’e nisëm mirë. Ndoshta me një gabim tonin arritën të shënonin dhe dalja me të kuqe na i vështirësoi gjërat. Por 4-0 mund të them që janë shumë për ne. Sigurisht që rrethanat ishin negative në këtë ndeshje, por është e papranueshme për ne që të dorëzohemi.”

As portieri Etrit Berisha nuk u duk në formën e zakonshme.

Etrit Berisha, futbollist i Kombëtares: “Na kanë penalizuar shumë gjerat që kemi bërë gabime në lojë. Kemi bërë shumë gabime edhe më herët dhe kjo na ka penalizuar shumë. Pastaj edhe motivimi apo qetësia e ekipit nuk ishte në nivelin e duhur.”/abcnews.al

Në prag të ndeshjes me Skocinë, dolën para mediave trajneri i kombëtares Christian Panucci dhe kapiteni Mërgim Mavraj. Në fjalën e tij trajneri italian nuk i diskutoi tre pikët. Në krahun tjetër, Mavraj tha se gabimet në të kaluarën nuk duhet të përsëriten më.

Kombëtarja shqiptare do të luajë këtë të shtunë ndeshjen ndaj Skocisë e vlefshme për Nations League. Në prag të këtij takimi, trajneri Christian Panucci tha se Shqipëria ka mundësi të shkëlqyera të koleksionojë fitoren.

“Nesër do të mundohemi për të shënuar gol. Në Izrael kemi pasur raste pavarësisht se nuk finalizuam në gol. Shpresojmë për rezultat pozitiv. Gjithmonë kur kam qenë këtu i kam inkurajuar lojtarët e mi. Duhet të ruajmë ekuilibrat dhe do të synohet fitorja. Grezda është stërvitur gjithë javën dhe dje ka kërkuar me luajtur prapë, por unë e kam refuzuar. Ndoj ka prapë disa probleme. Do të rikthehet Shqipëria e fortë. Ju i referoheni gjithmonë ndeshjes me Kosovën dhe Ukrainën. Sigurisht që rezultatet kanë rëndësinë e tyre. Nuk është e vërtetë që skuadra është dorëzuar. Dua të theksoj se performanca më e mirë ka qenë me Izraelin”.

Në lidhje me problemet e skuadrës, Panucci ritheksoi se skuadra duhet të komunikojë më tepër.

“Është e vërtetë që skuadra nuk komunikon shumë në fushë. Këtë e dimë të gjithë. Nëse lojtarët arrijnë ta kalojnë këtë lidhjen e komunikimit do të jetë diçka shumë e mirë. Duhet të shohim nesër sesi do të sillen në fushën e lojës, kjo ka për të ndihmuar shumë në lidhje me rezultatin”.

Në konferencë doli edhe kapiteni i kombëtares, Mërgim Mavraj, i cili tha se të gjithë lojtarët kanë përgjegjësi në rezultatet negative./abcnews.al

Mërgim Mavraj ka sulmuar ish-trajnerin e tij tek Hamburgu, duke e fajësuar për problemet që po kalon në karrierë. Mbrojtësi I kombëtares lëshoi akuza të rënda për teknikun gjerman.

Së fundi nuk ka mundur të jetë vetvetja.

Mërgim Mavraj prej disa muajsh nuk po mundet të japë më të mirën as në nivel kombëtareje, dhe as në nivel klubi, dhe fajtor për këtë bën vetëm një njeri.

Ky njeri është ish-trajneri i tij tek Hamburgu, Kristian Tic.

Shqiptari I Kosovës e ka sulmuar ashpër ish-teknikun, në një intervistë për gazetën gjermane “Bild”.

“Në aspektin njerëzor ai është një katastrofë”, – ishin fjalët e 32-vjeçarit.

Tic e përjashtoi Mavrajn nga ekipi i parë i Hamburgut gjysmën e dytë të sezonit të kaluar, duke e zbritur në skuadrën U21, e duke e quajtur të panevojshëm.

Deri në atë kohë, qendërmbrojtësi kishte qenë zv. kapiten i ekipit dhe lojtar formacioni nën ish-trajnerin Gisdol.

Ky përjashtim ndikoi në formën e lojtarit, i cili ishte vlerësuar larg në Gjermani, në çdo ekip ku kishte luajtur, si Bohumi, Grojter Fyrti, Këlni apo Hamburgu.

Po ashtu, kishte qenë një nga më të mirët për kombëtaren shqiptare, duke u kualifikuar për në Euro 2016.

Tashmë, Hamburgu është në kategorinë e dytë në Gjermani, për herë të parë në histori, ndërsa Mavraj pritet t’i bashkohet Migjen Bashës, tek Arisi I Selanikut në Superligën e Greqisë. /abcnews.al

Futbollisti i kombëtares shqiptare, Mërgim Mavraj, do të luajë në Greqi në 2 vitet e ardhshme.

Qendërmbrojtësi i kombëtares kuqezi ka nënshkruar një kontratë dy-vjeçare me skuadrën e Arisit në Selanik.

Lajmi për arritjen e marrëveshjes u konfirmua për mediat greke nga presidenti i Arisit të Selanikut, Theodor Karipidis. Në profilin e tij zyrtar ai ka publikuar edhe një foto të Mavrajt me fanellën e klubit grek.

Ende nuk është bërë publike shuma për të cilën, Mavraj kaloi në klubin grek.

Klubi kërkonte që ta merrte futbollistin e kombëtares shqiptare për 250 mijë euro në sezon, ndërsa Mavraj ka “këmbëngulur” për 350 mijë euro.

Aktualisht Mërgim Mavraj është grumbulluar me kombëtaren shqiptare në stervitje për takimet e Ligës së Kombeve ndaj Izraelit dhe Skocisë./abcnews.al

Mërgim Mavraj është fare pranë kalimit në Superligën e Turqisë. Mbrojtësi shqiptar shpreson të largohet sa më shpejt nga Hamburgu dhe të ringjallë karrierën e rrezikuar muajt e fundit.

Tek Hamburgu shkoi si mbret, por përfundimi ishte i hidhur. Mërgim Mavraj, përtej përvojës dhe talentit, mbeti jashtë skuadrës në klubin e famshëm të Bundesligës, por tashmë ka një shans për të ringjallur karrierën.

Mbrojtësi i kombëtares shqiptare është pranë finalizimit të marrëvëeshjes për të kaluar tek Fenerbahçe në Superligën e Turqisë.

Skuadra turke u shpall nënkampione këtë sezon dhe do të marrë pjesë në Ligën e Kampionëve, duke nisur nga turi I tretë eleminator, pra nëse Mavraj kalon aty, do të ketë mundësi të luajë në garën më të madhe të klubeve në Europë.

Shqiptari nga Kosova e ka të domosdoshme të gjejë sa më shpejt një skuadër, për të vijuar karrierën, aq më tepër në moshën kritike 31-vjeçare.

Kjo do ta bënte të kthehej në nivelet e dikurshme, kur ishte një nga emrat kryesorë të kombëtares, që u kualifikua për në fazën finale të Euro 2016-ës në Francë.

Nëse shkon në Turqi, kjo do të ishte hera e parë në karrierë që Mavraj do të largohet nga Gjermania, ku ka luajtur për 13 sezone, duke shkëlqyer me Darmshtatin, Bohumin, Grojter Fyrtin, Këlnin dhe Hamburgun. /abcnews.al

Mërgim Mavraj nuk është më pjesë e skuadrës së Hamburgut në Bundesligën gjermane. Mbrojtësi i kombëtares është lënë jashtë nga trajneri dhe duket se duhet të gjejë ekip tjetër.

Do t’i duhet të lutet për kohë më të mira. Lajmet ishin të këqija për Mërgim Mavrajn me t’u kthyer në Gjermani, pas detyrës së kryer me kombëtaren.

Shqiptari 31-vjeçar i Kosovës, që vazhdimisht quhej shefi i mbrojtjes, mori vesh se ishte lënë jashtë skuadrës së parë të Hamburgut nga trajneri Kristian Tic.

Që tani e tutje, ai do të duhet të stërvitet me ekipin U21 të klubit të Gjermanisë Veriore, me gjasë derisa të gjejë sistemim diku tjetër.
Mavraj, një lojtar me karrierë të spikatur në Bundesligë me Bohumin, Këlnin dhe Hamburgun, por duket se po ndikohet nga një humbje e përkohëshme e formës, si dhe nga kriza e skuadrës.

“Stafi teknik i Hamburgut ka vendosur të heqë dorë nga Mavraj për arsye sportive”, u shpreh drejtori sportiv i klubit, Bernhard Peters.

Trajneri Tic më herët largoi edhe dy lojtarë të tjerë shumë të njohur të mbrojtjes si Papadhopulos dhe Uollas. Hamburgu është një emër i famshëm në futbollin gjerman, si i vetmi ekip që ka marrë pjesë në çdo edicion të Bundesligës dhe që njëkohësisht nuk ka zbritur kurrë në kategorinë e dytë, por këtë herë ky rekord do të prishet.

Ekipi i Mavrajt është në vendin e fundit, plot 7 pikë nga zona e play off, ndërsa duhen edhe 7 javë deri në përfundim të kampionatit.
Sezonin e kaluar, Hamburgu shpëtoi për mrekulli nga rënia, vetëm 3 minuta përpara mbylljes së ndeshjes së fundit, veçse për Mavrajn, ky nuk pritet të jetë veçse një kujtim i bukur.

Shpresa është që një nga kapitenët e kombëtares ta vazhdojë karrierën në një skuadër tjetër, për të qenë sërish në nivel të lartë dhe për të ndihmuar ekipin përfaqësues./abcnews.al

Kapiteni i Kombëtares, Mërgim Mavraj në prag të largimit në Greqi

“Mavraj pranoi t’i bashkohej Kosovës”

Panuçi dhe futbollistët pranojnë fajet për turpin me Skocinë

Panuçi i bindur për fitoren ndaj Skocisë

Mërgim Mavraj sulmon ish-trajnerin tek Hamburgu

Mërgim Mavraj firmos me Arisin e Selanikut

Mërgim Mavraj fare pranë kalimit tek Fenerbahçe në Turqi

Mavraj në krizë, lihet jashtë nga trajneri i Hamburg

“Kemi fotot e tua. Paratë, ose more fund”, kërcënohet aktorja turke

Lëngjet e frutave janë të dëmshme si pijet me sheqer

Edicioni i lajmeve ABC News ora 19:00, 19 Maj 2019