Liverpool fitoi 2-0 në “Anfield” përballë danezëve të Midtjylland, sfidë që u mendua më e lehtë për djemtë e Jurgen Klopp. Danezët luftuan fort, u mbrojtën mirë dhe pjesa e parë u mbyll me rrjeta të paprekura.
Gjithsesi, “The Reds” ia dolën të zhbllokonin sfidën në minutën e 55-të. Veprim i bukur i Trent Alexander-Arnold në krahun e djathtë dhe finalizim i lehtë i Diego Jota.
The ?,0⃣0⃣0⃣ th goal in Reds history, netted by @DiogoJota18 ?⚽️ pic.twitter.com/9YZFFgzZgN
— Liverpool FC (@LFC) October 27, 2020
Në minutat shtesë erdhi edhe goli i qetësisë. Momo Salah nuk gaboi nga pika e bardhë dhe Liverpool kryeson grupin D me 6 pikë, ndjekur nga Atalanta me 4.
Rikthemi te goli i Diego Jota, që ishte rrjeta numër 10.000 e kampionëve të Anglisë në të gjithë kompeticionet dhe ndeshjet zyrtare.
Një moment kënaqësie dhe krenarie për 23-vjeçarin portugez, i cili futet në historinë e klubit të famshëm me realizimin e mbrëmjes së sotme. /abcnews.al
