Ukraina nuk është e gatshme të bëjë kompromis me Rusinë dhe të heqë pjesë të territorit të saj për t’i dhënë fund luftës, ka thënë një ndihmës i lartë i Volodymyr Zelensky.
I pyetur në lidhje me pohimin e ish-presidentit amerikan Donald Trump se ai mund t’i japë fund konfliktit me shpejtësi nëse zgjidhet në Shtëpinë e Bardhë, Andriy Yermak, shefi i kabinetit të presidentit, tha se Kievi nuk do të merrte këshilla se si të arrihet një “paqe e drejtë”.
“Ne nuk jemi gati të shkojmë në kompromis për gjërat dhe vlerat shumë të rëndësishme… pavarësinë, lirinë, demokracinë, integritetin territorial, sovranitetin,” tha ai.
Trump ka pretenduar vazhdimisht se mund t’i japë fund luftës në Ukrainë brenda një dite nëse fiton zgjedhjet e nëntorit, por nuk ka dhënë detaje se si do ta bënte këtë.
/abcnews.al
