Tashmë është zyrtare. Valentino Rossi do të garojë sërish në MotoGP dhe këtë sezon do ta shikojmë italianin me skuaderin e Yamaha Petronas.
Lajmi kishte disa muaj që qarkullonte, por vetëm ditën e sotme u finalizua marrëveshja mes palëve. Ditën e sotme zhvillohet gara e Katalonjës, ku erdhi dhe zyrtarizimi i “Doktorit” me skuadrën e re.
Kështu 41-vjeçari shmangu daljen në pension dhe për një tjetër vit, duke konfirmuar dhe një herë tjetër dashurinë e tij për këtë sport. Piloti nga Tavullia do të marrë me vete dhe shefin e ekuipazhit, David Munoz, si dhe trajnerin Idalio Gavira. Marrëveshja është mbyllur për një vit, por ekziston klauzola për tu zgjatur dhe për një vit tjetër. /abcnews.al
