Ben Davies është lojtari më i ri i Liverpool. Kampionët e Anglisë, në nevojë emergjente për mbrojtës si pasojë e dëmtimeve të Van Dijk dhe Gomez, arritën akordin me Preston në lidhje me 25-vjeçarin.
Lojtari anglez aktivizohet në qendër dhe në krahun e majtë të repartit defensiv. Kartoni i tij i ka kushtuar 1.6 milion paund klubit të famshëm anglez.
✍️ Welcome to the Reds, Ben Davies.
— Liverpool FC (@LFC) February 1, 2021
Davies ka firmosur një kontratë 5-vjeçare me “The Reds”. “Një shans i madh dhe i pabesueshëm për mua. Nuk e mohoj që u surprizova kur erdhi oferta e Liverpool.
Nuk kam qenë kurrë më parë në Anfield. E di që njerëzit dhe tifozët nuk kanë dëgjuar shumë për mua, por mezi po pres të shfaq aftësitë e mia“, deklaroi mbrojtësi i Liverpool. /abcnews.al
