Tashmë është zyrtare. Shqiptarët në 25 prill do t’u drejtohen kutive të votimit me një fletë ku janë të shënuar emrat e kandidatëve për deputetë sikur e kërkonte Partia Demokratike dhe jo me numra sikur e dëshironte shumica socialiste.
Përfaqësuesi i PS-së, Eridjan Salianji u shpreh se kjo fletë votim me emra shkakton vonesa në votim dhe numërim, duke vonuar procesin dhe duke rrezikuar sipas tij shëndetin e votueseve në kohë pandemie.
Por, në fillim të mbledhjes, Ilirjan Celibashi njoftoi rrëzimin e kërkesës së PS-së duke mos e marrë në konsideratë për ta shqyrtuar modelin e fletës së votimit me numër, ndërsa u shpreh se versioni final do të jetë me emra në versionin horizontal.
Versioni final i fletes se votimit
Madhësia e fletës nuk ndryshon nga qarku në qark 30×60, por madhësia e shkrimit ndryshon nga një qark në tjetrin për shkak të numrit të kandidatëve. Emrat në Tiranë janë me gërma më të vogla për shkak se janë 36 kandidatë./ db/ Abcnews.al
