Thomas Tuchel do të jetë pa shërbimet e Eric Maxim Choupo-Moting në “betejën” e parë të madhe të Bayern Munich kundër Manchester City për çerekfinalet e Champions League.
Në veçanti, sulmuesi kamerunian la ndeshjen e Kupës kundër Freiburgut me një dëmtim në gju dhe nuk luajti në ndeshjen e Bundesligës kundër të njëjtës skuadër.
Madje, ditët e kaluara mediat që fokusohen në raportimin e bavarezëve folën për dyshime për pjesëmarrjen e tij në ndeshjen me Qytetarët dhe në fund u konfirmua, me Bayern Munich që njoftoi se do të mungojë.
Këtë sezon, 34-vjeçari në 28 paraqitje në të gjitha garat ka 17 gola dhe katër asistime në 1717 minuta pjesëmarrje. /G.D abcnews.al/
Burimi: FC Bayern
