Në Zvicër është gjetur zgjidhja e shpëtimit për bankën Credit Suisse, pas rënisë së aksioneve në mënyrë drastike pas raporteve se kishte probleme financiare.
Credit Suisse Shares Open 62% Lower After UBS Takeover Newhttps://chat.whatsapp.com/KvQ1LkhkKXeLRstPO2ZSqs pic.twitter.com/M4hU12i4M5
— Teslaconomics (@MAIKEMAI5) March 20, 2023
Pas negociatash të gjata gjatë fundjavës është rënë dakord që Credit Suisse të blihet nga rivali i saj, banka tjetër e njohur zviceriane UBS, për 2 miliardë dollarë. Përshpejtimi mbi këtë marrëveshje vjen pas frikës se me hapjen e bursave të hënën, aksionet e Credit Suisse mund të binin pikiatë, për ta dërguar në faliment.
E përfshirë në negociata ishte dhe qeveria zvicerane. Presidenti zviceran Alain Berset tha se qeveria ishte e bindur se marrja e kontrollit ishte “zgjidhja më e mirë” për “rikthimin e besimit që i ka munguar tregjeve financiare kohët e fundit”.
Credit Suisse, banka e dytë më e madhe në vend pas UBS, “ka qenë një burim shqetësimi për disa muaj”, tha ai, duke shtuar se turbulencat në tregje në ditët e fundit treguan se “besimi i nevojshëm” në bankë nuk mund të rikthehej.
Sipas ministre së ekonomisë zvicerane Karin-Keller Sutter falimentimi i Credit Suisse mund të kishte shkaktuar “trazira të pariparueshme ekonomike”.
Gazeta Financial Times, e cila ishte e para të premten që raportoi mundësinë që banka më e madhe e Zvicrës të blinte Credit Suisse, tha se UBS kishte rënë dakord ta blinte atë për 2 miliardë dollarë, me huadhënësin tjetër me bazë në Cyrih që kishte refuzuar një ofertë të mëparshme prej 1 miliard dollarësh.
Ndërkohë, aksionet e UBS kanë rënë me 8.7% në fillimin e tregtimit, pas reagimit të investitorëve ndaj blerjes së saj me çmim të ulët të Credit Suisse.
/abcnews.al
