Zvicra ka vendosur të shpërblejë këdo që bind dikë të vaksinohet kundër Covid. Kështu nëse bindni një mik të bëjë vaksinën, do të shpërbleheni nga shteti 50 franga – 46 euro. Kjo është iniciativa e shtetit zviceran për të bindur sa më shumë qytetarë që të imunizohen, ndërsa po diskutohet për organizimin e një jave kombëtare vaksinimi
Shtatë ditë gjatë cilave parashikohen 170 njësi lëvizëse, pika konsultimi dhe biseda telefonike, nëpërmjet rrjeteve sociale apo dhe duke u prezantuar personalisht. Një lëvizje e re që vjen pas asaj të ndalimit – duke filluar nga 11 tetori – të testeve falas për të personat mbi 16 vjeç dhe për ata që nuk kanë bërë as dozën e parë të vaksinës.
Vendi ka vaksinuar 57% të popullsisë. Sipas të dhënave të autoriteteve zvicerane një shtrim në spital kushton 50 mijë franga, ndërsa testimet e përjavshme i kushtojnë shtetit 50 milion franga çdo javë.
Zvicra ka regjistruar 841,571 raste dhe 11,105 viktima që nga fillimi i pandemisë./abcnews.al
