Joe Biden ka mbajtur fjalimin e tij në Konventën e demokratëve, ndërsa është zyrtarisht kandidat për President, në zgjedhjet që do mbahen më 3 nëntor.
Biden tha se Presidenti i SHBA Donald Trump e ka “zhutur Amerikën në errësirë për shumë kohë”.
Ish nënkryetari amerikan tha se rivali e tij ka sjellë, shumë zemërim, frikë dhe ndarje, shkruan abcnews.al.
Në fjalimin e tij, Biden u zotua t’i japë fund “ditëve kur Amerika i merr me të mirë diktatorët”.
“Unë do të jem një president i cili do të qëndrojë me aleatët dhe miqtë tanë dhe do t’ua bëjë të qartë kundërshtarëve tanë, se ditët kur diktatorët janë marrë me të mirë kanë mbaruar”, tha Biden në një fjalim brenda një salle boshe në qytetin e tij të lindjes së Wilmington , Delaware, në ditën e fundit të Konventës Kombëtare të partisë, që u mbajt online.
“Unë do të jem një aleat i dritës, jo i errësirës sonë. Të bashkuar ne mund dhe do ta kapërcejmë këtë etapë të errësirës në Amerikë”, tha kandidati për presidenti i SHBA-së.
Duke iu referuar numrit të vdekjeve nga koronavirusi në Amerikë, Biden tha: “Presidenti ynë aktual ka dështuar në detyrën e tij më themelore ndaj kombit: ai nuk ka arritur të na mbrojë.” /abcnews.al
