Trajneri i Real Madrid, Zinedine Zidane, foli për mediat pas fitores së skuadrës së tij 0-1 kundër Athletic Bilbaos. Pasi analizoi ndeshjen, strategu francez foli edhe për situatën e Gareth Bale dhe James Rodriguez.
Fitore e artë: “Ishte një fitore shumë e rëndësishme. Një ndeshje shumë e diskutueshme dhe e luftuar, e luajtur me intensitet të madh. Është një fitore shumë e rëndësishme”.
La Liga: “Derisa të fitohet matematikisht, ne nuk mund të pushojmë dhe të mendojmë për titullin. Ne kemi treguar forcën dhe soliditetin tonë. Unë nuk do të flas për La Ligan dhe gjëra të tilla, edhe nëse më pyesni çdo ditë, sepse unë tashmë kam shumë përvojë në karrierën time, gjithashtu si lojtar, dhe të gjitha ndeshjet janë të vështira.”
Skuadra: “Forca jonë është ajo që më pëlqen më shumë. Ne po tregojmë forcën dhe ekuilibrin tonë kur humbasim topin. Ne po bëjmë shumë mirë. Na ka munguar shkëlqimi në sulm dhe mund të përmirësohemi, por më e rëndësishmja është forca jonë mbrojtëse”.
VAR: “Jam lodhur duke na thënë që kemi fituar nga gjyqtarët. Kjo nuk do të ndryshojë. Por lojtarët meritojnë respekt. Askush nuk do të na largojë nga qëllimi ynë”.
Bale dhe James: “James dëshironte të lihej jashtë për shkak të një prej arsyeve të tij. Për Bale, ishte zgjedhja ime”, u shpreh Zidane./abcnews.al
