Karim Benzema ishte protagonisti absolut në fitoren e mbrëmjes së kaluar të Real Madrid. Kampionët e Spanjës fituan 1-3 në fushën e Eibar, duke siguruar triumfin e katërt radhazi në kampionët.
Sulmuesi francez shënoi një gol dhe dhuroi dy asiste. Trajneri i “Los Blancos”, Zinedine Zidane nuk i kurseu elozhet për liderin e repartit ofensiv në deklaratën e dhënë pas ndeshjes.
“Benzema është një lojtar vendimtar për ne, në këtë periudhë po bën gjëra fenomenale në fushë. Ai është shumë i rëndësishëm për Realin. Luajtëm shumë mirë ndaj Eibar.
Pashë një paraqitje të mirë nga e gjithë skuadra, të gjithë djemtë dhanë më të mirën dhe e merituam plotësisht fitoren“, deklaroi trajneri francez. /abcnews.al
