Një varkë me 500 emigrantë, përfshirë një të porsalindur dhe gra shtatzëna, është zhdukur në Mesdheun qendror, sipas dy organizatave humanitare. Alarm Phone, një organizatë humanitare që monitoron thirrjet për ndihmë për varkat që transportojnë emigrantë, tha se humbi kontaktin me varkën të mërkurën në mëngjes.
? ~500 people adrift in the Central Mediterranean!
Alarm Phone was alerted by a large boat in distress. The people report that they fled from #Libya several days ago & that their engine has stopped. Authorities are informed – rescue efforts are needed urgently & without delay! pic.twitter.com/WqkgFSSaqO
— Alarm Phone (@alarm_phone) May 23, 2023
Varka po lundronte mes detit të trazuar rreth 320 kilometra në veri të portit libian të Bengazit dhe më shumë se 400 kilometra nga Malta ose Siçilia. Sipas informacioneve, anija Life Support si dhe Ocean Viking, kërkuan pa sukses për 24 orë, por nuk gjetën asnjë shenjë të fundosjes së saj.
Një zëdhënës i Emergjencës tha sot se hetimi po vazhdon, duke shtuar se emigrantët mund të jenë marrë nga një varkë tjetër ose kanë arritur të riparojnë motorin dhe të vazhdojnë udhëtimin e tyre për në Siçili.
Rojet bregdetare italiane raportuan ditën e djeshme shpëtimin e 423 dhe 671 emigrantëve në dy operacione të veçanta. Në një incident të veçantë, organizata gjermane humanitare SOS Humanity raportoi se 27 migrantë u kthyen ilegalisht në Libi.
Sipas ligjit humanitar, migrantët nuk mund të kthehen me forcë në vendet ku ata janë në rrezik. Qeveritë europiane po mbajnë qëndrim gjithnjë e më të ashpër ndaj imigracionit, duke përfshirë Italinë, e cila po përballet me një rritje të numrit të emigrantëve përmes detit.
Mbi 47,000 emigrantë janë regjistruar që nga fillimi i vitit, krahasuar me rreth 18,000 në periudhën e njëjtë të vitit të kaluar.
/abcnews.al
