Isdh-gruaja e dytë e ish-presidentit amerikan, Donald Trump, Marla Maples, shprehu mbështetjen e saj të pandarë për kandidatin republikan për nominim.
60-vjeçarja Maples, me të cilën miliarderi amerikan ka një vajzë, Tiffany zbuloi në një intervistë për gazetën The Evening Standard se është e gatshme të ndihmojë fushatën e ish-it përpara zgjedhjeve të nëntorit. Dua të dal më shumë, të ndaj më shumë dhe të mos kem frikë nga rezultatet pozitive ose negative që vijnë nga të folurit.
Jam gati. Unë jam në dispozicion nëse duhet dhe nuk jam më në prapavijë Ajo theksoi gjithashtu se është e hapur edhe për të marrë nënpresidencën.
Marla Maples tha se ajo ende nuk është prekur nga problemet ligjore të ish-bashkëshortit të saj, ndërsa e quajti atë të pafajshëm.
Kush është Marla Maples
Marla Maples u martua me Donald Trump në vitin 1993. Çifti shkoi në rrugë të ndara në vitin 1999 pasi pati Tiffany, frytin e dashurisë së tyre. Më 11 nëntor 2022, në një ambient ëndrrash që të kujton një përrallë, atëherë 29-vjeçarja Tiffany Trump u martua me të zgjedhurin e zemrës së saj, Michael Boulos.
Vajza e ish-presidentit amerikan shkëmbeu zotimet me miliarderin 25-vjeçar në një ceremoni luksoze në rezidencën e babait të saj Mar-al-Lago në Florida. Madje, sipas asaj që ka deklaruar nëna e saj në revistën People para dasmës, e bija ka zgjedhur pallatin sepse “kjo ka qenë shtëpia e babait të saj, aty është rritur kur ka qenë fëmijë”.
/abcnews.al
