Zgjedhjet e 25-prillit, KQZ refuzon regjistrimin e kandidatit të pavarur në Berat

Komisioni Qendror i Zgjedhjeve ka refuzuar regjistrimin e Plarent Aleksit si kandidat i pavarur për një mandate deputeti në zgjedhjet e 25 Prillit. Sekretari i KQZ deklaroi se Aleksi ka pasur mungesë dokumentacioni. “Është kërkuar korrigjimi i dokumentacionit. Ky dokumentacion i dorëzuar nuk është në përputhje me Kodin Zgjedhor, i propozojmë KQZ mosregjistrimin e kandidatit Plarent Aleksi në zgjedhjet e 25 Prillit”, deklaroi sekretari i KQZ.

Kreu i KQZ Ilirjan Celibashi u shpreh se Aleksi do i ndalohet kandidimi  dhe ai mund të bëjë ankimin brenda tre ditësh, në rast se ka padakordësi me vendimin. “Bazuar në relatimin e bërë nga administrate, vendos të refuzojë kërkesën për regjistrimi të Plarent Aleksit si kandidat në qarkun e Beratit. Kundër këtij vendimi mund të bëhet ankimim Brenda tre ditësh”, tha Celibashi.

Ndërsa kërkesa e Pal Shkambit për të kandiduar për deputet të pavarur në qarkun e Shkodrës ka marrë miratimin nga KQZ. “Është vonuar procesi dhe unë jam diskriminuar. Por unë do të vazhdoj të punoj edhe pse kam pasur vonesë prej jush”, tha Pal Shkambi.

KQZ i ka dhënë “OK” edhe listave të paraqitura nga Aleanca Demokracia e Re, Lëvizja Demokratike Shqiptare dhe Bindja Demokratike./mv.abcnews.al