Presidenti ukrainas, Volodymyr Zelensky ka mbërritur në Nju Jork për të marrë pjesë në Asamblenë e Përgjithshme të OKB-së. Më pas ai do të shkojë në Uashington, ku do të pritet nga Joe Biden në Shtëpinë e Bardhë.
Në një postim në X (ish-Twitter), Volodymyr Zelenskyy konfirmoi se do të takohet me Presidentin Joe Biden, udhëheqësit e Kongresit dhe zyrtarë ushtarakë dhe të biznesit.
Olena @ZelenskaUA and I arrived in the United States for the high-level week of the UN General Assembly and a visit to Washington, D.C.
I will attend the General Assembly, SDG Summit, and Security Council meetings at the UN, as well as a number of important bilateral talks.…
— Volodymyr Zelenskyy / Володимир Зеленський (@ZelenskyyUa) September 18, 2023
“Kam mbërritur në Shtetet e Bashkuara për Asamblenë e OKB-së dhe një vizitë në Uashington”, gjatë së cilës “do të falënderoj Shtetet e Bashkuara në emër të Ukrainës për ndihmën”.
“Do të marr pjesë në Asamblenë e Përgjithshme të OKB-së, në Këshillin e Sigurimit dhe do të kem takime të shumta dypalëshe.”, u shpreh Zelensky.
Një nga ngjarjet e para në itinerarin e Zelenskyt është një vizitë në Spitalin Universitar të Staten Island, ku ai do të nderojë ushtarët ukrainas me çmime./abcnews.al
