Presidenti Volodymyr Zelensky ka shprehur dëshirën për të zëvendësuar avionin më të madh pasi u shkatërrua nga forcat ruse gjatë pushtimit në Ukrainë, sipas The Kyiv Independent.
Avioni ukrainas Antonov An-225 Mriya, i quajtur “Mriya”, ose “ëndërr”, u shkatërrua kur trupat ruse hynë në Ukrainë më 24 shkurt.
Avioni, i konceptuar nga inxhinierë sovjetikë, ishte parkuar në aeroportin Hostomel, në veriperëndim të Kievit, kur u sulmua nga rusët.
Tani, udhëheqësi ukrainas ka thënë se dëshiron të ndërtojë një Antonov An-225 Mriya të dytë për të “përkujtuar të gjithë pilotët ukrainas të vrarë në luftën e Rusisë”.
Avioni ukrainas ishte i vetmi aeroplan i këtij lloji në botë dhe u përdor gjatë ditëve të para të pandemisë për të lëvizur pajisjet mjekësore në të gjithë globin.
/abcnews.al
