Loading ...
Presidenti ukrainas Volodymyr Zelensky ka njoftuar se takimet për paqe mes Ukrainës dhe Rusisë, që janë të para pas shtatë javësh, do të zhvillohen të mërkurën në Turqi. Këtë lajm e ka cituar një zyrtar i lartë i Kievit në një deklaratë të hënën.
Kremlini ka njoftuar se po pret konfirmimin e datës së takimeve, por theksoi se palët janë “përfundimisht të kundërta” në pozitat e tyre për sa i përket mënyrës së përfundimit të luftës.
Në fjalimin e tij të mbrëmshëm, Zelenskiy tha se kishte biseduar me Rustem Umerov, sekretar i Këshillit të Sigurisë dhe Mbrojtjes të Ukrainës, për përgatitjet e shkëmbimit të të burgosurve dhe takimet e ardhshme me Rusinë në Turqi. “Umerov raportoi se takimi është planifikuar për të mërkurën. Më shumë detaje do të publikohen nesër,” tha ai.
Umerov, i cili ka qenë ministër i Mbrojtjes dhe u emërua në detyrën e tanishme javën e kaluar, ka udhëhequr dy raundet e para të bisedimeve me Rusinë.
Ukraina ka mbështetur thirrjet e Shteteve të Bashkuara për një armëpushim të menjëhershëm, ndërsa Moska ka theksuar se disa kushte duhet të vendosen para se të mund të nënshkruhet një armëpushim. / abcnews.al
