Presidenti i Ukrainës, Volodymyr Zelensky, ka lëshuar një dekret për shkarkimin e një anëtari të lartë të forcave të sigurisë të shtunën mbrëma. Ky veprim vjen si shtesë e dhjetëra largimeve të zyrtarëve si pjesë e një përpjekjeje të Kievit për të goditur korrupsionin brenda qeverisë.
Më konkretisht, Zelensky liroi nga detyrat e tij Ruslan Djuba, zëvendës komandant i Gardës Kombëtare, pa sqaruar arsyet e vendimit të tij.
Për më tepër, presidenti ukrainas tregoi në mesazhin e tij të përditshëm, të natës se ai u takua me zyrtarë të sektorit të mbrojtjes dhe forcave të zbatimit të ligjit për të diskutuar mënyrat për të mbrojtur institucionet nga ato që ai i përshkroi si përpjekje të huaja dhe të brendshme për të ulur efektivitetin e tyre.
Duke iu referuar dëbimeve, Zelensky tha: “I gjithë ky aktivitet nuk ka të bëjë vetëm me incidente specifike apo procedura penale, shteti do të vazhdojë të modernizojë institucionet e veta. Duhet të sigurohet pastërtia e projektit shtetëror të infrastrukturës”./abcnews.al
