Presidenti i Ukrainës Volodymyr Zelenskiy ka postuar një foto në Telegram së bashku me presidentin amerikan Joe Biden në Kiev.
“Joseph Biden, mirë se erdhe në Kiev! Vizita juaj është një shenjë jashtëzakonisht e rëndësishme e mbështetjes për të gjithë ukrainasit,” shkruan ai në mesazhin e tij në Twitter.
Presidenti amerikan Joe Biden mbërriti në Kiev pas një udhëtimi të gjatë me tren, një orë larg nga kufiri me Poloninë.
Ai u takua me presidentin e Ukrainës, Volodymyr Zelenskiy, dhe dyshja vizituan manastirin e Shën Michael, ndërsa një paralajmërim për sulm ajror u dëgjua në të gjithë qytetin.
New York Times e përshkroi vizitën si “një demonstrim të vendosmërisë së administratës së tij përballë pushtimit njëvjeçar të vendit nga Rusia”.
“Vizita në Kiev u krye në mënyrë të fshehtë për shkak të shqetësimeve të sigurisë, me Biden që u largua nga Uashingtoni në fshehtësi pasi ai dhe gruaja e tij darkuan tnë një restorant të shtunën mbrëma.
Biden tashmë ishte planifikuar të mbërrinte në Varshavë të martën në mëngjes për një vizitë dy-ditore dhe zyrtarët kishin mohuar në mënyrë të përsëritur se kishte ndonjë plan për të vizituar Kievin,” thekson New York Times./abcnews.al
