Presidenti ukrainas Volodymyr Zelensky tha më herët të mërkurën nga Vilnius, ku mori pjesë në Samitin e NATO-s, se ai e kupton se mbështetja e Perëndimit për vendin e tij varet nga situata në front.
“Ju dhe unë duhet të kuptojmë se e gjithë kjo varet nga ajo që ndodh në fushën e betejës”, tha Zelensky në konferencën për shtyp që dha. “Ne nuk mund të qëndrojmë në vend dhe të presim që dikush të na mbështesë për dekada,” shpjegoi ai.
“Ukraina nuk do të kufizohet në “ngrirjen” e vijës së frontit, por synon të rimarrë të gjitha territoret e saj të okupuara. Ne duam të rikuperojmë territoret tona, të rivendosim sigurinë në tokën tonë, të arrijmë kthimin e atyre që u detyruan të largohen nga vendi dhe të shtypin të gjitha krimet ruse”, shtoi ai.
