Presidenti ukrainas Volodymyr Zelensky diskutoi nevojën për armë për të parandaluar “bombardimet civile” gjatë një bisede me kryeministrin e Mbretërisë së Bashkuar Boris Johnson të enjten.
“Udhëheqësit diskutuan zhvillimet në fushën e betejës dhe kërkesat e forcave të armatosura ukrainase, duke përfshirë sigurimin e armatimit me rreze më të gjatë për të parandaluar bombardimin e civilëve”, thuhej në një deklaratë të Downing Street.
Fabrika e çelikut Azovstal në qytetin jugor të Mariupolit, ku ushtarët dhe civilët janë strehuar për javë të tëra, i është nënshtruar bombardimeve këtë javë.
Gjatë telefonatës, Johnson përsëriti gjithashtu angazhimin e Mbretërisë së Bashkuar për të mbështetur Ukrainën në përpjekjet për të mbledhur prova mbi krimet e luftës, shtoi Downing Street.
Në fund, të dy udhëheqësit diskutuan fjalimin e Johnson në parlamentin ukrainas në fillim të kësaj jave. Zelensky shkroi në Twitter se e falenderoi kryeministrin./abcnews.al/
