Presidenti Volodymyr Zelensky u bëri thirrje aleatëve perëndimorë që të mbrojnë Ukrainën në të njëjtën mënyrë siç mbrojtën Izraelin nga një sulm i fundit iranian.
Irani kreu një sulm masiv ajror mbi Izraelin më 14 prill dhe lëshoi 170 dronë, 30 raketa lundrimi dhe 120 raketa balistike, sipas Forcave të Mbrojtjes të Izraelit (IDF).
Izraeli dhe aleatët e tij rrëzuan shumicën dërrmuese të dronëve dhe raketave para se të preknin territorin izraelit.
SHBA, Franca dhe Britania e Madhe ndihmuan në rrëzimin e raketave dhe dronëve iranianë. Jordania gjithashtu mori pjesë në mbrojtjen e Izraelit, sipas zëdhënësit të qeverisë jordaneze Muhannad Mubaideen.
“Duke mbrojtur Izraelin, bota e lirë tregoi se uniteti mes aleatëve nuk është vetëm i mundur, por 100% efektiv,” tha Zelensky pas një takimi me zyrtarë të lartë ushtarakë dhe të sigurisë.
“Veprimet e aleatëve parandaluan suksesin e terrorizmit dhe e detyruan agresorin të qetësohej.
E njëjta gjë mund të bëhet për të mbrojtur Ukrainën nga terrorizmi dhe Ukraina, ashtu si Izraeli, nuk është anëtare e NATO-s.”
Presidenti falënderoi ata aleatë që i dhanë Ukrainës sisteme shtesë të mbrojtjes ajrore pasi Kievi theksoi nevojën urgjente për të mbrojtur vendbanimet pranë vijës së frontit dhe infrastrukturën energjetike.
/abcnews.al
