Skënderbeu ka njoftuar se do të luajë sot një ndeshje miqësore në Korçë dhe rival i bardhekuqve do të jetë Trim&Lum Struga, klub që garon elitën e futbollit të Maqedonisë Veriore. Kjo sfidë do të nisë prej orës 16:00 në stadiumin “Skënderbeu”.
Sot janë programuar edhe miqësore të tjera. Tirana do të luajë në një njëjtin orar me korçarët, kundër Turbinës në “Selman Stërmasi”. Në kompleksin “Internacional” në Pezë-Helmës zhvillohet Laçi-Korabi.
Bylisi do të ndeshet me Apoloninë në Rrogozhinë, kurse në Vlorë Flamurtari pret Egnatian. Ishte menduar që ndeshja të luhej në Fier, por në momentet e fundit ka ndryshuar gjithçka. Vllaznia gjithashtu luan sot, por ndaj ekipit të të rinjve. /abcnews.al
