Plani Roscosmos (Agjensia e Hapësirës Ruse) është duke vlerësuar dëmin e shkaktuar në kapsulën Soyuz, nga e cila ka pasur një rrjedhje të antifrizës më 14 dhjetor. Në të njëjtën kohë, po planifikon edhe një mision shpëtimi për ekuipazhin e ISS, në rast se kapsula nuk është në gjendje të kthehet në Tokë.
Kapsula Soyuz është planifikuar të kthejë dy kozmonautë dhe një astronaut në Tokë. Nëse analizat termike përcaktojnë se temperatura brenda kapsulës do të rritet mbi kufijtë e lejuar gjatë rihyrjes në atmosferë, atëherë kapsula do të kthehet në Tokë pa ekuipazhin. Nisja e kapsulës së ardhshme Soyuz do të jetë më herët se sa ishte planifikuar dhe do të jetë pa pilot për të marrë astronautët nga ISS.
Aktualisht ka një ekuipazh prej shtatë personash në ISS, dhe nëse kapsula Soyuz konsiderohet e papërshtatshme, ekuipazhi është në rrezik indirekt pasi ka vetëm një mjet lundrues nëse stacioni duhet të evakuohet. Kapsula e Crew Dragon e SpaceX e cila mban vetëm katër astronautë.
Shkaku i rrjedhjes së Soyuz është ende i paqartë. Vlerësimi fillestar se ishte një mikrometeorit që goditi sistemin e ftohjes së kapsulës duket të jetë i pasaktë, pasi anija u godit nga një drejtim tjetër./abcnews.al
