Një merimangë e re dhe e rrallë gjigante është zbuluar në Brisbane të Australisë.
Merimanga Euoplos dignitas u zbulua nga studiues që marrin pjesë në programin DIG të Muzeut të Queensland, i cili synon të thellojë të dijet tona për biodiversitetin.
Studiuesi kryesor Dr. Michael Rix, u habit kryesisht nga madhësia e merimangës. Femrat mund të jetojnë më shumë se 20 vjet, dhe trupi i tyre, mund të arrijë deri në pesë centimetra në gjatësi.
Speciet e reja, zbulimi i së cilës u botua në Journal of Arachnology, luan një rol të rëndësishëm në ekosistem, duke ndihmuar në kufizimin e popullatave të insekteve.
Studiuesit zbuluan se specia ka të ngjarë të kërcënohet me zhdukje për shkak të aktivitetit të kufizuar në një zonë të vogël, por edhe për shkak të shpyllëzimit.
“Ne mendojmë se ata ndoshta kanë një problem, por ne duhet të bëjmë më shumë kërkime për të kuptuar më mirë madhësinë e problemit,” thotë Rix.
Merimangat femra e kalojnë jetën e tyre nën tokë, ndërsa meshkujt, të cilët kanë ngjyrë të kuqe, largohen nga strofulla pas pesë deri në shtatë vjet për të gjetur një partner të ri në një strofkë tjetër, përshkroi Rix.
Natën, merimangat qëndrojnë në pritë në hyrje të folesë së tyre, duke pritur për të kapur insektet që kalojnë.
Merimangat përdorin helm për të neutralizuar prenë e tyre, por Rix sqaroi se ato nuk janë të rrezikshme për njerëzit.
Kafshimi mund të jetë i dhimbshëm fizikisht për shkak të madhësisë së tyre, por ato nuk janë të rrezikshme”, shpjegoi ai. /abcnews.al
