Loading ...
Prokuroria e Posaçme ka dhënë pretencën për 17 të pandehurit që akuzohen si pjesë e grupit kriminal, të përfshirë në aktivitetin e kultivimit të kanabisit në sera të mbyllura që u zbulua në Berat.
Prokurori Behar Dibra kërkoi 133 vite në total për të gjithë të pandehurit, ku më i larti u kërkua për dy prej tyre Sadetin Hasajn e Blerim Xhekën, nga 13 vite secili.
Ata po gjykohen me procedurë të shkurtuar dhe do të përfitojne ulje të dënimit.
Të pandehurit dhe pretenca
Sadetin Hasaj, kërkohet 13 vite burg;
Blerim Xheka, kërkohet 13 vite burg;
Sidrit Bisha, kërkohet 10 vite burg;
Suad Smakaj, kërkohet 9 vite burg;
Jurgen Ujkaj, kërkohet 10 vite burg;
Samoel Lushaj, kërkohet 10 vite burg;
Endriol Xheka, kërkohet 9 vite burg;
Mirvaldo Disha, kërkohet 9 vite burg;
Hmadi Dyli, kërkohet 8 vite burg;
Arben Vrapi, kërkohen 6 vite burg;
Adiol Çifliku, kërkohet 6 vite burg;
Lulzim Bushataj, kërkohet 5 vite burg;
Mustaf Manej, kërkohet 5 vite burg;
Bashkim Mema, kërkohet 5 vite burg;
Drita Mema, kërkohet 5 vite burg;
Izmire Mema, kërkohet 5 vite burg;
Edison Mema, kërkohet 5 vite burg.
Për 4 të fundit u kërkua pezullimi i vendimit i ekzekutimit të vendimit dhe vënia në provë për 3 vjet.
Operacioni u ndërmor më 10 nëntor 2022, gjatë të cilit u kap një sasi prej 870 kg kanabis. Dy vite më pas me kërkesë të SPAK, GJKKO firmosi më 22 prill 2024 caktimin e masës së sigurisë personale “arrest në burg” për 9 persona.
Të pandehurit akuzohen për “Prodhimi dhe shitja e narkotikëve”, e kryer në formën e posaçme të bashkëpunimit, “Grup i Strukturuar Kriminal” dhe “Kryerja e veprave penale nga grupi i strukturuar kriminal”.
Ata ishin pjesë e aktivitetit kriminal që zhvillohej në Berat dhe në atë kohë thuajse gjithë komisariati i këtij qyteti u shkri ku u ndërmorën masa disiplinore si largim nga detyra apo shtyrje e afatit të gradimit për shkak se nuk zbuluan aktivitetin kriminal./abcnews.al
