Mesfushori spanjoll, Isco Alarcon, duket se është drejt largimi nga gjigantet e Real Madrid. Ulja në stol dhe hapësirat e pakta në fushën e lojës nga trajneri Zidane po e detyrojnë Iscon të mendojë largimin. Sipas “Mundo Deportivo” në garë për shërbimet e spanjollit janë Arsenal, Juventus dhe Manchester City.
Nuk është hera e parë qe këto klube interesohen për yllin e Realit. Sipas gazetës spanjolle kartoni i 27-vjeçarit vlerësohet diku te 70 milionë €. Manchester City po kërkon zëvendësuesin ideal për David Silvën, ndërsa Arsenali mendon ta shkëmbejë kokë më kokë me Mesut Ozil që nga dimri i kaluar.Nga ana tjetër italianët e Juventus-it e kërkojnë me ngulm spanjollin qe nga shtatori, kur ia këshillojë dhe legjenda, Andrea Pirlo.
Janë disa arsye që mesfushori kërkon largimin. Transferimi i Eriksen në Madrid do ta vështirësonte akoma më shumë situatën. Isco u la jashtë dhe nga grumbullimi nga kombëtarja e Spanjës nga trajneri, Roberto Martinez, në ndeshjet kundër Norvegjisë dhe Maltës. Verën e vitit 2020 është dhe kampionati europian, prandaj dhe Isco kërkon më shumë minuta për tu rikthyer protagonist si dikur. /abcnews.al
