Diskutimet vazhdojnë, madje shumë të ethshme. A është kjo skuadra më e mirë amerikane e basketbollit në histori, madje më e mirë se “Ekipi i Endrrave”, fitues i medaljes së artë në “Barcelona 1992”?
Vlerësimet janë relative, por e sigurt është që edhe kjo skuadër që përfaqëson Shtetet e Bashkuara të Amerikës në basketboll po shkon drejt objektivit madhor në “Lojrat Olimpike” të Parisit.
LeBron Xhejms, Kevin Durant, Entoni Devis dhe yjet e tjerë të NBA morën fitoren e dytë në grup, duke mundur 103-86 Sudanin e Jugut.
Diferenca prej 17 pikësh u vendos nga klasi i disa prej basketbollistëve amerikanë, ndërsa ekipi afrikan meriton të gjitha vlerësimet për paraqitjen e shkëlqyer.
Amerikanët dominuan në periodën e parë, ndërsa sudanezët nisën të fitojnë vetëbesimin në të dytën, duke ngushtuar ndjeshëm diferencën në parket.
Port surpriza e madhe erdhi me nisjen e pjesës së dytë, ku skuadra afrikane mbylli në epërsi 21-18 periodën e tretë.
Gjithsesi endrra e tyre u shua në periodën e fundit.
Yjet e NBA vulosën fitoren dhe kalimin në raundin tjetër të turneut të basketbollit në “Paris 2024”, duke konfirmuar edhe një herë veten favoritë për medaljen e artë.
Nga ana tjetër, sudanezët lanë parketin me kokën lart dhe me Nuni Omot si shënuesin më të mirë me 24 pikë.
Për amerikanët realizuesi më i mirë ishte Bam Adebajo me 18 pikë dhe 7 topa të kapur në tabelë./abcnews.al
