Një ditë pas largimit të papritur të trajnerit Lopetegui, që mbylli bashkëpunimin me klubin vetëm pak ditë para startit të Premier League, Wolves gjen pasardhësin e tij.
Klubi anglez njofton se Gary O’Neil do të jetë trajneri I ri I skuadrës. Tekniku ka firmosur një kontratë 3-vjeçare me “ujqërit”.
Gary O’Neil spikati sezonin e kaluar në kampionat anglez në krye të Bournemouth dhe tashmë është gati për një aventurë të re në krye të Wolves.
