Wizz Air zgjeron bazën në aeroportin e Rinasit

Wizz Air, linja ajrore me rritje më të shpejtë dhe më të qëndrueshme nga pikëpamja mjedisore në botë, njofton zgjerimin e mëtejshëm në bazën e saj në Tiranë, ku cakton një nga avionët e saj Airbus A321neo.

Caktimi i avionit të ri po mundëson nisjen e gjashtë linjave të reja si dhe rritjen e frekuencës në 1 linjë nga Aeroporti Ndërkombëtar i Tiranës. Linjat e reja mund të rezervohen tashmë, me bileta të disponueshme tani në wizzair.com ose në aplikacionin celular të linjës ajrore.

Caktimi i një avioni më shumë për bazën e Wizz Air në Tiranë, do ta rrisë bazën në dhjetë avionë. Lëvizja e çon numrin e linjave nga baza në 49, duke përfshirë nisjen e gjashtë linjave të reja nga kryeqyteti i Shqipërisë. Pasagjerët tani do të mund të fluturojnë në Gdansk dhe Poznan në Poloni, si dhe në Lamezia Terme, Napoli, Salento dhe Trieste në Itali. Fluturimet që nisen nga Tirana, do të jenë të parat që do të fluturojnë për në Trieste të Italisë, pasi destinacioni italian do të jetë një stacion i ri për Wizz Air. Për më tepër, kapaciteti shtesë i lejon Wizz Air të rrisë frekuencën e fluturimeve të saj nga baza në Athinë, ku kompania do të fluturojë 5 herë në javë në vend të 3, duke filluar nga vera e ardhshme.

“Ne jemi të kënaqur që zgjerohemi në Tiranë, duke demonstruar përkushtimin tonë ndaj tregut shqiptar ku jemi linja ajrore më e madhe, si për nga numri i pasagjerëve ashtu edhe për numrin e avionëve të hedhur në treg, duke rritur më tej flotën tonë. Nga korriku 2023, ne do të operojmë me 10 avionë nga vendi. Shpërndarja e avionëve tanë më të fundit në Tiranë na mundëson të forcojmë më tej ofertën tonë në treg, duke u ofruar klientëve tanë shqiptarë mundësinë të udhëtojnë në gjithsej 49 linja në 15 vende me ne dhe të rrisin turizmin në këtë vend kaq të bukur, gjithashtu, duke lidhur Shqipërinë me kaq shumë destinacione”. tha Yvonne Moynihan, Zyrtare e Korporatës së Wizz Air.

* Çmimi në një drejtim, duke përfshirë tarifën e administrimit. Përfshihet një çantë dore (maksimumi: 40x30x20cm). Trolley bag dhe çdo pjesë e bagazhit checked-in i nënshtrohen tarifave shtesë. Çmimi vlen vetëm për rezervimet e bëra në wizzair.com dhe aplikacionin celular WIZZ.

** Zbatohen termat, kushtet dhe përjashtimet.