Loading ...
Të gjithë liderët e partive politike të përfaqësuar në Kuvendin e Kosovës kanë tashmë në dorë një letër nga amerika.
Ajo mban firmën e ambasadorit Ëilliam Ëalker, ish shefi i misionit të OSBE në Kosovë, ku propozohet emri i Faton Bislimit si kandidat për postin e kreut të ri të shtetit.
“Kosovës i nevojitet një person me aftësi të veçanta për ta avancuar vendin drejt pozitës që i takon në botë. Faton “Tony” Bislimin e njoh prej shumë vitesh. Nuk kam asnjë dyshim për pavarësinë e tij në mendim dhe për aftësinë për t’i artikuluar dhe mbrojtur qëndrimet e veta për çfarëdo çështjeje.”
Në letër Ëalker ndalet tek formimi i Bislimit në Harvard, njohja e thellë e procesit të shtetformimit të Kosovës apo personaliteti i tij duke e quajtur atë “kandidatin e konsensusit”.
Në letër diplomati amerikan shpreh shqetësimin e tij për bllokadën e tejzgjatur të procesit kushtetues për zgjedhjen e presidentit të ri.
“Si mik i Kosovës, jam thellësisht i shqetësuar për bllokadën e tejzgjatur të procesit kushtetues për zgjedhjen e Presidentit të ri. Nuk besoj se zgjedhje të tjera do të sillnin qartësi apo zgjidhje për këtë situatë, e aq më pak ta rikthenin Kosovën në rrugën e një qeverisjeje efektive.”
Propozimi i Ëalker për president, është një ish deputet i Lidhjes Demokratike të Kosovës dhe këshilltar për një kohë të gjatë në komunën e Gjilanit drejtuar në kohën e Lutfi Hazirit, sot nënkryetar i kësaj partie.
POLITIKA NË PRISHTINË ENDE NUK ËSHTË SHPREHUR PËR TË, POR PDK DHE ALEANCA VIJONË TË MBETEN TË PALËKUNDURA NË EMRIN E HASHIM THAÇIT SI NJERIU QË DUHET TË KTHEHET NGA HAGA…DREJT E NË ZYRËN E PRESIDENCËS.
