Loading ...
Arsene Wenger është një nga trajnerët më të mirë të këtij fillim shekulli, ndërkohë që prej më shumë se një viti ka hequr dorë nga trajnimi. Ai ishte pjesë e Arsenal për 22 vite, pesë më pak se ish-homologu i tij te United, Alex Ferguson.
Së fundmi Wenger flet për marrëdhënien e tij me skocezin. Në fakt nuk ekziston diçka e tillë sepse francezi tregon se ata të dy nuk janë takuar kurrë për të pirë një birrë. Wenger e gjen veten te Klopp, megjithëse e konsideron të vjetër për të përsëritur ciklin e tij te Arsenal.
“Një birrë me Ferguson? Nuk ka ndodhur kurrë. Ta bënim këtë kur ishim trajnerë ishte e paimagjinueshme, kështu ai ndenji në Manchester, jashtë rrethit tim shoqëror. Unë e respektoj atë si njeri dhe profesionist, por nuk kam kontakte.
Cikël si i imi në ditët e sotme? Varet. Unë gjithmonë kam pasur nevojë për kohë, sot e shoh veten te Klopp. Te Liverpool ai mund të ketë një cilik të gjatë, edhe pse ndoshta jo 22 vite sepse ai tashmë është shumë i vjetër për ta bërë këtë”, u shpreh Wenger. /abcnews.al
