Presidenti i Serbisë, Aleksandër Vuçiç thotë se Mali i Zi ka të drejtën të vendosë nëse do t’i bashkohet nismës rajonale “Ballkani i Hapur”.
Vuçiç beson se për qytetarët e Malit të Zi do të ishte më mirë nëse kjo do të ndodhte, shkruan Vijesti.
Në Itali, ku vizitoi një panair të verës, Vuçiç tha se e përgëzoipPresidentin e sapozgjedhur të Malit të Zi, Jakov Milatoviç, por nuk foli me të për “Ballkanin e Hapur”, por këtë e diskutoi me kryeministrin Dritan Abazoviç.
“Kam folur me Dritan Abazoviçin për këtë dhe ai shprehu pa mëdyshje dëshirën që Mali i Zi t’i bashkohet nismës. Mendoj se është e mirë dhe e dobishme për Malin e Zi, por ne nuk dëshpërohemi edhe nëse nuk e bëjnë, është e drejta e tyre sovrane të vendosin”, theksoi ai.
Vuçiç nënvizoi se anëtarët e “Ballkanit të Hapur” i marrin vendimet e tyre dhe vendosin me konsensus se çfarë ua lehtëson jetën qytetarëve të tyre./abcnews.al
