Një prodhues i njohur i verës është vrarë në Guanajuato, Meksikë, ku lufta mes karteleve rivale të drogës është ndezur.
Viktima, Ricardo Vega, ishte pronar i kantinës së verës Cuna de Tierra në autostradën Dolores Hidalgo.
“Jam thellësisht i pikëlluar dhe dënoj fuqishëm vrasjen frikacake të Ricardo Vega-s”, tha përmes X-it Mauricio Trejo, kryetari i bashkisë së afërt të San Miguel de Allende, sipas të cilit “në Guanajuato mbretëron pasiguria”.
Sipas një raporti të botuar në gazetën lokale AM, persona të armatosur vranë biznesmenin dje të shtunën, ndërsa ai ishte pas timonit të makinës së tij. Autoritetet po hetojnë, tha i njëjti burim.
Këshilli i Prodhuesve Meksikanë të Verës, organi kolektiv i sektorit, shprehu trishtimin e tij për vdekjen e Ricardo Vega, “një udhëheqës vizionar dhe mbrojtës i palodhur i verës meksikane”./abcnews.al
