Një person ka humbur jetën si pasojë e një shpërthimi në makinë në Energodar, në rajonin Zaporizhzhia të Ukrainës.
Lajmin e bëri të ditur Volodymyr Rogov, një anëtar i administratës rajonale pro-ruse në një mesazh në Telegram.
“Shpërthimi ishte aq i fortë sa u thyen xhamat e shtëpive deri në katin e nëntë”, shtoi Rogov, duke shpjeguar se viktima është punonjës i agjencisë për çështje të brendshme territoriale.
Për mediat ruse është një “sulm terrorist i kryer nga diversantë ukrainas që kanë goditur tashmë territorin e rajoneve të reja ruse”. Zaporizhzhia është ndër katër rajonet ukrainase të aneksuara nga Rusia pasi pushtoi vendin.
Kryetari i Melitopolit, Ivan Fedorov, cituar nga agjencia ukrainase UNIAN, raportoi se makina “i përkiste një bashkëpunëtor vendas, ish-polici Yevhen Kuzmin, i cili iu bashkua administratës së pushtuesve”.
/abcnews.al
