Ministri i mjedisit dhe burimeve natyrore i Republikës Dominikane është qëlluar dhe vrarë në zyrën e tij nga një mik i ngushtë, thonë zyrtarët.
Orlando Jorge Mera, 55 vjeç, ishte duke mbajtur një takim në momentin e sulmit. Të paktën gjashtë të shtëna janë dëgjuar.
Një zëdhënës presidencial e identifikoi sulmuesin si Miguel Cruz, duke e përshkruar atë si një shok fëmijërie të ministrit.
Ai tani ndodhet në paraburgim. Motivi i të shtënave mbetet i paqartë.
Në një deklaratë, familja e Jorge Mera tha se ai ishte qëlluar disa herë nga një burrë me të cilin ishte shok që nga fëmijëria.
“Familja jonë e fal personin që e bëri këtë. Një nga trashëgimitë më të mëdha të Orlandos ishte të mos mbante mëri,” shtuan ata.
Jorge Mera kishte shërbyer në administratën e Presidentit aktual Luis Abinader që kur ai erdhi në pushtet në korrik 2020.
Në një postim në Twitter, Presidenti Abinader shprehu ngushëllimet e tij të sinqerta për familjen e Jorge Mera dhe tha se ndjente keqardhje të thellë për vdekjen e mikut të tij të mirë.
Lamento profundamente el fallecimiento de mi buen amigo, nuestro ministro, Orlando Jorge Mera. Mis más sinceras condolencias a su esposa Patricia y a sus hijos Orlando y Patricia Victoria.
Descansa en paz, querido amigo.
— Luis Abinader (@luisabinader) June 6, 2022
Bartolomé Pujals, drejtor i kabinetit qeveritar për inovacionin, e përshkroi vdekjen e tij si një tragjedi dhe bëri thirrje për paqe në mediat sociale, shkruan BBC.
Jorge Mera ishte djali i ish-presidentit Salvador Jorge-Blanco dhe një anëtar themelues i Partisë Revolucionare Moderne në pushtet (PRM).
Jorge Mera lë pas një grua, ambasadoren Domenikane në Brazil, dhe dy djem, njëri prej të cilëve është gjithashtu një ligjvënës i PRM-së./abcnews.al/
