Loading ...
Ish-kampioni paraolimpik, Oscar Pistorius është liruar me kusht nga burgu në Afrikën e Jugut, gati 11 vjet pasi vrau të dashurën e tij Reeva Steenkamp. Ai e qëlloi partneren disa herë përmes derës së banjës në vitin 2013, duke pretenduar më vonë se e kishte ngatërruar me një hajdut.
37 vjeçari u dënua për vrasje në vitin 2015. Pistorius do të jetojë në kushte të rrepta deri në përfundimin e dënimit në vitin 2029. Sipas ligjit të Afrikës së Jugut, të gjithë shkelësit kanë të drejtë të konsiderohen për lirim me kusht pasi të kenë kryer gjysmën e dënimit të tyre në total.
Nëna e Reeva Steenkamp, June Steenkamp, tha në një deklaratë: “Ne e kemi ditur gjithmonë se lirimi me kusht është pjesë e sistemit ligjor të Afrikës së Jugut dhe ne kemi thënë gjithmonë se ligji duhet të marrë rrugën e tij. Lirimi me kusht i Oscar Pistorius, në varësi të kushteve të caktuara, ka konfirmuar besimin tim në sistemin e drejtësisë të Afrikës së Jugut”, tha ajo.
“Kushtet e vendosura nga bordi i lirimit me kusht, i cili përfshin kurse dhe programe për menaxhimin e zemërimit mbi dhunën me bazë gjinore, dërgojnë një mesazh të qartë se dhuna me bazë gjinore merret seriozisht. A ka pasur drejtësi për Reeva? A ka shërbyer Oscar mjaftueshëm kohë? Nuk mund të ketë kurrë drejtësi nëse i dashuri juaj nuk kthehet më dhe asnjë kohë e vuajtur nuk do ta kthejë Reeva-n. Ne, që mbetemi pas, jemi ata që po vuajmë një dënim të përjetshëm.”, shtoi Steenkamp..abcnews.al
