Damien Bendall, 32 vjeç, vrau dashurën e tij shtatzënë Terri Harris, 35 vjeçe, përdhunoi dhe vrau vajzën e saj Lacey Bennett, 11 vjeçe, më pas vrau djalin e saj John Paul Bennett, 13 vjeç, dhe shoqen e fëmijëve Connie Gent 11-vjeçare në Killamarsh, Derbyshire vitin e kaluar.
Gjykata nuk hezitoi t’i jepte dënim të përjetshëm, për krimin makabër të kryer.
Bendall për t’u vetëmbrojtur nga gjykimi i tij tha se kishte probleme psikologjike.
Ai më vonë pretendoi se veprimet e tij ishin ndikuar nga një dëmtim i trurit i pësuar disa vite më parë. Testet e gjera neurologjike nuk treguan se ishte kështu. Gjatë gjithë procesit, SPSH-ja udhëzoi ekspertët e saj mjekësorë që të vlerësonin nëse argumentet ishin të vlefshme, gjë që ato nuk ishin.
Kur të gjitha aspektet mjekësore ishin ezauruar, provat se ai kishte vrarë të katër viktimat pa asnjë problem psikologjik, Bendall pranoi të gjitha akuzat.
Në disa pamje të kamerave ai shfaqet duke duke thënë ‘’Po kthehem sërish në burg’’ dhe ‘’kam vrarë katër persona’’.
Gjatë gjykimit tij, gjykatësi Sweeney tregoi pak besim në përpjekjen patetike të Bendall për të shpjeguar vrasjet duke pretenduar se kishte një dëmtim të trurit, diçka që avokati i tij tha se asnjë test nuk e kishte provuar. Përdorimi i tij i drogës gjithashtu nuk u pranua si një faktor lehtësues.
Sipas provave të paraqitura në gjykatë, Bendall është akuzuar më parë për dhunë.
“Në prill 2020 ju filluat një marrëdhënie me Terri Harris, e cila u bë abuzive dhe kontrolluese, duke e distancuar Terrin nga familja e saj. Më 18 shtator, ju kryeni një sulm brutal ndaj një gruaje të pambrojtur dhe tre fëmijëve. Ti e sulmove Lacey-n dhe më pas e përdhunuat në shtratin ku i ishte vrarë nëna e saj, ndërsa e mitura ishte duke vdekur.’
Bendall nuk kishte treguar asnjë respekt për asnjë nga viktimat e tij. Pasi vrau John, ai vodhi X-Box-in e tij dhe mori një taksi në Sheffield për ta shitur për drogë.
Rrugës i kishte thënë taksisë se e kishte kaluar natën ‘’duke u qetësuar me familjen e tij’’ pasi të gjithë ishin shtrirë të vdekur në shtëpinë e tij.
Bendall ishte përpjekur më parë të deklarohej fajtor për vrasje nga pakujdesia me përgjegjësi të zvogëluar, por kjo u refuzua nga prokuroria.
Prokurori Louis Mably KC tha se Bendall – i cili dikur mburrej për vrasjen e një qeni me një tullë, vrau çdo viktimë në shtëpi me një çekiç.
“Vë bast se zakonisht nuk bëhen katër vrasje në Killamarsh – mirë, pesë (vrasje), sepse e dashura ime kishte një fëmijë” tha vrasësi aspak i penduar për krimin e kryer. /abcnews.al
