Një grua 37-vjeçare nga Virxhinia u shpall fajtore për vrasjen e dy vajzave të saj në përpjekje për të marrë hak ndaj ish-bashkëshortit të saj. Veronica Youngblood u dënua javën e kaluar për vrasjen e 15-vjeçares Sharon Castro dhe 5-vjeçares Brooklynn Youngblood në shtëpinë e tyre në McLean në vitin 2018.
Gjatë gjyqit, avokati mbrojtës argumentoi se Youngblood kishte dëgjuar zëra që i thonin të vriste dy vajzat e saj.
Youngblood kishte përlotur jurinë kur ajo përshkroi abuzimin e prindërve gjatë rritjes. Babai i saj e ka dhunuar duke përdorur rrip dhe fshesë, ndërsa gjyshi i saj e ka abuzuar seksualisht si fëmijë, tha ajo para jurisë, raportoi WTOP.
Ajo tha më tej se pasi prindërit e saj e braktisën atë dhe motrën e saj në Buenos Aires, Argjentinë, ajo punoi si prostitutë, ku u takua me ish-bashkëshortin e saj Ron Youngblood, me të cilin u transferua në SHBA.
Gjatë gjyqit që zgjati dy javë, prokurorja argumentoi se ajo ishte një vrasëse dhe jo një viktimë. Youngblood u akuzua se i dha vajzës së saj më të vogël ilaç për gjumë para se ta qëllonte për vdekje, ndërsa vajza e saj 15-vjeçare u qëllua në shpinë dhe gjoks.
/abcnews.al
