Të tjera detaje janë zbardhur në lidhje me ngjarjen e rëndë të ndodhur mbrëmjen e sotme në Tiranë, ku pas të shtënave me armë në një lokal në “Don Bosko”, humbi jetën një grua e cila punonte si kamariere.
Gazetari i ABC News, Ermal Vija raportoi se dyshohet edhe për pesë persona të plagosur, të cilët ndodhen jashtë rrezikut për jetën.
“Të paktën deri tani, është konfirmuar një viktimë ku sipas burimeve policore, bëhet fjalë për një punonjëse e cila punonte si kamariere në ambientet e lokalit ku ndodhi ngjarja e rëndë. Përveç personi që ka humbur jetën, paraprakisht dyshohet se janë edhe pesë persona që janë të plagosur. Por fatmirësisht, janë jashtë rrezikut për jetën. Zona është totalisht e rrethuar nga forcat e policisë. Komsiderohet një ngfjarje e rëndë, pasi ka ndodhur rreth orës 21:00 të mbrëmjes së sotme”, raportoi ndër të tjera gazetari Ermal Vija.
